IэмэпсымэщIэхэр яIэрохьэ

Узыншагъэр хъумэнымкIэ IэнатIэр ефIэкIуэным и Iыхьэ ­нэхъыщхьэхэм ящыщщ медицинэ IуэхущIапIэхэр зы­хуэ­ныкъуэ Iэмэпсымэ­хэмкIэ къызэгъэпэщыныр. Абы и лъэныкъуэкIэ республикэм Iуэху пыухыкIахэр щрагъэкIуэкI.

«Узыншагъэр хъумэн» лъэпкъ проектыр зэрагъэзащIэм ипкъ иткIэ, 2024 гъэм щIыналъэм и медицинэ IуэхущIапIэхэм яIэрыхьэнущ иджырей диагностикэ Iэмэпсымэу лIэужьыгъуи 8: флюорограф, маммограф ягъэIэпхъуэ комплексхэр, рентген аппарату 3, УЗИ-уэ 2, бжыгъэр зи лъабжьэ маммограф.
Оборудованэхэр хурагъэшэнущ Бахъсэн, Май район сымаджэщхэм, Налшык дэт поликлиникэ №2-м и къудамэм. Iэмэ­псымэхэр къызэгъэпэщащ медицинэм и иджырей мардэщIэхэм тету. Абы Iэмал къаритынущ нэхъ хуэсакъыу икIи нэхъ куууэ цIыхум и узыншагъэр къапщытэну икIи абы и фIыгъэкIэ узы­фэр и чэзум къахутэфынущ. 
«Узыншагъэр хъумэн» лъэпкъ проектым лэжьэн зэрыщIи­дзэрэ республикэм цIыхухэм япэ медицинэ дэIэпыкъуныгъэхэр щыхуащIэ и IуэхущIапIэхэм яIэрыхьащ диагностикэ Iэмэпсы­мэу 200-м щIигъу.