КъыщIагъэкIым щIрагъэгъу

2 марта, 2024 - 07:00

2023 гъэм Къэбэрдей-Балъкъэрым ерыскъыхэкIыу къыщыщIагъэкIам и промышленнэ индексыр проценти 100,9-рэ, псыхэкIым - проценти 121-рэ хъуащ. Ап­хуэдэ хъыбархэр иджыблагъэ зэбгригъэхащ Кавказ Ищхъэрэм СтатистикэмкIэ и управленэм.

2022 гъэм елъытауэ илъэс блэкIам нэкулъхэкIыу республикэм къыщыщIагъэкIам процент 24,3-кIэ хагъэ-          хъуащ, гъэшхэкIым - процент 21,7-кIэ, кхъуейрэ кхъуейлъалъэу - процент 13,5-кIэ. ХадэхэкI, пхъэщхьэмыщхьэ консервхэм хуэдитIым нэблагъэкIэ щIрагъэгъуащ.
ЩIакхъуэу, щIакхъуэхэкIыу, макарону къыщIагъэкIам я бжыгъэр 2022 гъэм щыIахэм хуэдэу къэнэжащ.
ПсыхэкIхэм ящыщу нэгъабэ нэхъыбэу къыщIагъэкIар сырэрщ - процент 36-м щIигъукIэ нэхъыбэ, нарзаныпсыр - процент 11,5-рэ, псыIэфIыр - проценти 8,5-рэ.

ХЬЭЩЫКЪУЕЙ Олег.
  • 62 просмотра
Поделиться: