Зауэм и бынхэм гулъытэ хуащIуНалшык дэт къэрал концерт гъэлъэгъуапIэм щекIуэкIащ ТекIуэныгъэм и махуэшхуэм теухуа пшыхь. Ар къызэрагъэпэщащ «КПРФ» политикэ партымрэ «Зауэм и бынхэр» («Дети войны») урысейпсо жылагъуэ зэгухьэныгъэмрэ я щIыналъэ къудамэхэм. Зи сабиигъуэр зауэ зэманым хиубыда налшыкдэс 23-м иратащ «Зауэм и бынхэр» медалхэмрэ фэеплъ тыгъэхэмрэ. «КПРФ»-м и республикэ къудамэм и япэ секретарь Пащты Борис жиIащ зауэм хэтахэм, зи сабиигъуэр абы хиубыдахэм псом хуэмыдэу гулъытэ яхуэтщIын зэрыхуейр. - Зауэр зи нэгу щIэкIахэм ящыщу диIэжыр нэхъри мащIэ мэхъу. Зи сабиигъуэр 1941 - 1945 гъэхэм хиубыдахэращ зауэ хъыбархэмрэ гукъэкIыжхэмкIэ къытхуэзыIуэтэну къытхуэнар. Нобэ ахэр къедгъэблэгъащ Хэку зауэшхуэм и фэеплъыр щIэблэм я деж зэрынахьэсым папщIэ фIыщIэ яхуэтщIу, - жиIащ абы. Къэпсэлъар щхьэхуэу къытеувыIащ «Зауэм и бынхэр» жылагъуэ зэгухьэныгъэм гуапагъэ зыпылъ Iуэху куэд къызэрызэригъэпэщым, зауэм и фэеплъыр хъумэнымкIэ лэжьыгъэшхуэ зэрыригъэкIуэкIым. Зауэм и бынхэр нэхъыжьхэм дагъэлъэпIащ Iуэхум пионерхэм я зэгухьэныгъэу Налшык къалэм щыIэм хэтхэм. Абыхэм жаIащ зауэм теухуа усэхэмрэ уэрэдхэмрэ. ГЪУЭТ Синэ.
Поделиться:
Читать также:
19.05.2024 - 13:50 →
ЩIыхь тхылъхэр яритащ
18.05.2024 - 10:48 →
Унагъуэращ Хэкур къыщежьэр
17.05.2024 - 17:37 →
ЗыплъыхьакIуэм и еплъыкIэ
17.05.2024 - 15:35 →
Мазищым кърикIуахэр
17.05.2024 - 12:26 →
КъэкIыгъэхэм я нэIэ тетщ
|