Суд приставхэм я фIыщIэкIэ

18 июля, 2024 - 11:00
 И лэжьакIуэхэм я улахуэ щIыхуэу IуэхущIапIэм зытригъэхьат сом мелуан 14. Я лэжьапщIэр къаритыжыным теухуауэ щызэгурымыIуэм, лэжьакIуэхэм судым зыхуагъэзащ я хуитыныгъэхэр зэфIагъэувэжын папщIэ. 
Судыр Iуэхум хэплъэри, улахуэмкIэ телъ щIыхуэр егъэпшыныжынымкIэ тхылъхэр Iэрагъэхьащ КъБР-м щыIэ УФССП-м Прохладнэ къалэм, Прохладнэ районым щиIэ суд пристав IэнатIэхэм. 
Зэныкъуэкъур зи зэраным хабзэм къигъэув пIалъэм къриубыдэу и къалэнхэр щимыгъэзащIэм, суд приставым щIыхуэ зытелъыр хигъэзыхьыну иIэ хуитыныгъэр къигъэсэбэпащ, компанием банк счётхэм щиIэ ахъшэр итхьэкъуащ. КъинэмыщIауэ, абы гурагъэIуащ УФ-м и УК-м 3I5-нэ статьям ипкъ иткIэ уголовнэ жэуап зэрихьынур, суд унафэхэр имыгъэзащIэмэ.  
 ЗыщIэгупсысыжщ, кIуапIэ зэримыIэр къыгурыIуэри, и лэжьакIуэхэм я улахуэ зэтригъэхьар яIэригъэхьэжащ. 
Законым и лIыкIуэхэр Iуэхум и чэзум зэреувэлIам и фIыгъэкIэ цIыхухэм хабзэкIэ я хуитыныгъэхэр зэфIэувэжащ. 
ФщIэн папщIэ. Лэжьыгъэ зытым улахуэр игъэгувэмэ е имытыххэмэ, цIыхухэм къагъэсэбэп хъунущ я хуитыныгъэр хъумэнымкIэ Iэмал зэхуэмыдэхэр. Абыхэм зыхуагъазэ хъунущ кIэлъыплъакIуэ, хабзэхъумэ органхэм, лэжьыгъэ зэныкъуэкъухэмкIэ комиссэм е судхэм.
УАРДЭ Жантинэ.
  • 61 просмотр
Поделиться: