IэщIагъэ зрагъэгъуэтыну Iэмал яIэщ

13 марта, 2020 - 05:15

Урысейм Тезырхэр егъэпшынынымкIэ и федеральнэ къулыкъум и IуэхущIапIэу КъБР-м щыIэм и цIыхубз колоние №4-м щыIащ икIи абы щаIыгъ бзылъхугъэхэм яхуэзащ «Синергия» мэзкуу финанс-промышленнэ университетым и щIыналъэ лIыкIуэ Кулагин Владимир. IуэхущIапIэм и унафэщIхэм ящIыгъуу ар тепсэлъыхьащ ягъэтIысахэр щаIыгъ щIыпIэхэм зэпэщIэхауэ (дистанционнэу) щIэныгъэ нэхъыщхьэ щызрагъэгъуэтыныр къызэгъэпэщыным.
 
«ЗэIущIэм кърихьэлIа цIыхубзхэм щыгъуазэ защIащ еджапIэ нэхъыщхьэхэм узэрыщIэтIысхьэфынум, зрагъэгъуэтыну IэщIагъэхэм, нэхъыщхьэращи, еджэныр къауха нэужь лэжьыгъэ IэнатIэ ягъуэтынымкIэ щыIэ Iэмалхэм», - къет КъБР-м щыIэ УФСИН-м и пресс-IуэхущIапIэм.
ХьэщIэм жэуап яритащ тезырыр зыпшыныжхэр зыщIэупщIахэм икIи гукъыдэж зиIэ дэтхэнэми Iуэхум тещIыхьа буклетхэр хуаугуэшащ. ЗэIущIэм и кIэухым еджэну гукъыдэж зыщIа суд зытращIыхьахэм ящыщу тIум я анкетэхэр ирагъэтхащ.
 Къыхэдгъэщынщи, тезырыр щрахьэкI IуэхущIапIэхэм «Синергия» мэзкуу университетым пыщIэныгъэ хуиIэщ Урысей ФСИН-м зэрыдэлэжьэнум теухуауэ зэращIылIа зэгурыIуэныгъэм ипкъ иткIэ.

ДЫГУЛЫБГЪУ Жантинэ.
  • 18 просмотров
Поделиться:

Читать также:

13.09.2026 - 12:27 → Псыгуэнсудэсхэм зэдагъэдэха пшыхь
13.09.2026 - 11:18 → ГъащIэр лъапIэщ
13.09.2026 - 09:58 → Уи бзэр уи псэу, уи дунейуэ
11.09.2026 - 18:17 → ЩIы Iыхьэхэр ират
11.09.2026 - 16:15 → Унагъуэхэм зыщIагъакъуэ