КъБР-м щыIэ Оперативнэ штабым Къэбэрдей-Балъкъэрым и Парламентым и VII зэхуэсыгъуэм и депутатхэм я хэхыныгъэр щекIуэкIкIэ республикэм щыпсэухэмрэ и хьэщIэхэмрэ къыхуреджэ набдзэгубдзаплъэу щытыну, терроризмэм зыщыхъумэнымкIэ хабзэхэр ягъэзэщIэну:
- къызэрымыкIуэ щытыкIэ къэхъуныр къызрикIуэнкIэ икIи къызэхуэсахэмкIэ шынагъуэ къэзышэнкIэ хъуну Iуэху фымылэжь;
- автотранспортыр абы хухэха щIыпIэхэм щывгъэув;
- шэч гуэр фэзыгъэщI хьэпшып е автомашинэ фрихьэлIамэ, апхуэдэуи терракт ялэжьыным, къауэ пкъыгъуэрэ Iэщэрэ зыгуэрхэм зэраIыгъым, щIэпхъаджагъэ ялэжьыну зэрызагъэхьэзырым пыщIауэ щытынкIэ хъунухэм ятеухуа хъыбар къыфIэрыхьамэ, хабзэхъумэ органхэмрэ апхуэдэ Iуэхухэр зэхэзыгъэкIыну зи къалэн IуэхущIапIэхэмрэ икIэщIыпIэкIэ хъыбар евгъащIэ;
- хабзэхъумэ органхэм я лIыкIуэхэмрэ цIыху куэд щызэхуэс Iуэхухэр щрагъэкIуэкIкIэ шынагъуэншагъэр къызэгъэпэщыныр зи пщэрылъ нэгъуэщI лэжьакIуэхэмрэ хабзэм ипкъ иткIэ къыфхуагъэувхэр вгъэзащIэ.
КъаIэрыхьэ сыт хуэдэ хъыбарри нэгъэсауэ къапщытэнущ, кърагъэщIа хъыбар псоми ехьэлIа зыхуэфащэ Iэмалхэр къагъэсэбэпынущ цIыхухэм я шынагъуэншагъэр къызэгъэпэщыным хуэунэтIауэ.
КъБР-м щыIэ Оперативнэ штабым шэч зыхуащIым ехьэлIа хъыбар къаIэрызыгъэхьахэр хэтми хэIущIыIу ищIынукъым, апхуэдэуи республикэм щыпсэухэм фIыщIэ яхуещI я лэжьыгъэр зэрызэхащIыкIым папщIэ.
«Линэ пщтыр» телефонхэр:
- Урысейм и ФСБ-м и Управленэу КъБР-м щыIэм - 48-15-81 (дзыхь зрагъэз телефон);
- КъБР-м щыIэ МВД-м - 40-49-10 (плъыр часть), 49-50-62 (дзыхь зрагъэз телефон);
- УФ-м СледствиемкIэ и комитетым СледствиемкIэ и управленэу КъБР-м щыIэм - 77-64-22 (дзыхь зрагъэз телефон);
- Урысейм и МЧС-м и Управленэ нэхъыщхьэу КъБР-м щыIэм - 39-99-99 (плъыр часть).
