Лъэпкъ зэныбжьэгъугъэм и нэщэнэ

«Кавказым ис лъэпкъхэм я зэныбжьэгъугъэм и Кубокыр» фIэщыгъэр зезыхьэ, гъуэ­гуанэ кIыхь шыхэмкIэ зэ­пычыным хуэунэтIа зэхьэ­зэхуэ иджыблагъэ ирагъэ­жьащ. Абы хэтщ Къэбэрдей-Балъкъэрым, Къэрэшей-Шэрджэсым, Дагъыстэным, Шэшэным я шууей 200-м нэблагъэ. 

Шууейхэм я гъуэгуанэм щы­­щIадзащ Iуащхьэмахуэ щIы­налъэм и Бахъсэн Ипщэм деж. Абыхэм къапэщылъщ бгылъэ защIэу километр 230-рэ зи кIыхьагъ зэпачыну. Шууейхэм зэщIагъэхьэнущ ди республикэмрэ Къэрэшей- Шэ­р­джэсымрэ я щIыналъэхэр. 
Зэхьэзэхуэм хэтхэм ящыщу зыгуэр сыхьэтищ нэхърэ нэхъыбэкIэ шууей гупым къа­кIэрыху хъумэ, ар зэпеуэм къыхагъэкIынущ. Нэхъ жыджэрхэмрэ бэшэчагъ къэзыгъэлъэгъуахэмрэ ахъшэ саугъэту сом мелуанитIыр зэдагуэшынущ. Зэпеуэм щытекIуахэр фокIадэм и 29-м наIуэ къэхъунущ.
ХЬЭЩЫКЪУЕЙ  Олег.