Театр фестивалым пащэ

         Къэбэрдей-Балъкъэрым щыпащэ «Театр детям» фестивалым. Ар къызэрагъэпэщащ 2024 гъэр Унагъуэм и илъэсу Урысейм зэрыщагъэувам хыхьэу.

         Жэпуэгъуэм и 14-м ирагъэжьа Iуэхур жэпуэгъуэм и 24-рэ пщIондэ екIуэкIынущи. Сабийхэм Iэмал яIэнущ спектакль гъэщIэгъуэнхэм еплъыну.  Горький Максим и цIэр зезыхьэ Урыс къэрал драмэ театрым игъэлъэгъуащ «Сокровище Бразилии» спектаклыр.

         КъБР-м и Гуащэ театрым Нартан къуажэм и сабий гъэсапIэмрэ Налшык къалэм и сабий гъэсапIэ №78-мрэ екIуалIэ цIыкIухэр иригъэплъащ «Мойдодыр» спектаклым.

         ЩоджэнцIыкIу Алий и цIэр зезыхьэ Къэбэрдей къэрал драмэ театрым и лэжьакIуэхэм цIыкIухэм хуагъэхьэзырар «Али-Бабарэ хъунщIакIуэхэмрэ» спектаклырщ.

         Республикэм и Гуащэ театрым жэпуэгъуэм и 17-м сыхьэт 16-м цIыкIухэр ирегъэблагъэ «Карлик Нос» спектаклым.

         Жэпуэгъуэм и 18-м сыхьэти 9-рэ дакъикъэ 30-м Налшык къалэм и сабий гъэсапIэ №63-м щекIуэкIынущ «Мойдодыр» спектаклыр. Жэпуэгъуэм и 18-м сыхьэт 11-м Кулиев Къайсын и цIэр зезыхьэ Балъкъэр къэрал драмэ театрым и артистхэм Налшык къалэм и курыт еджапIэ №28-м щигъэлъэгъуэнущ «Хищный заяц» спектаклыр.

         Жэпуэгъуэм и 19-м сыхьэт 16-м республикэм и Гуащэ театрым щекIуэкIынущ «Маленькая фея» спектаклыр. А IуэхущIапIэм жэпуэгъуэм и 20-м сыхьэт 13-м щагъэлъэгъуэнущ нэгъуэщI спектакли - «Любопытный слонёнок» зыфIащар.

         НыбжьыщIэ театрым жэпуэгъуэм и 20-м сыхьэт 14-м щIидзэу щекIуэкIынущ «Оранжевый ёжик» спектаклыр. А махуэ дыдэм Кулиев Къайсын и цIэр зезыхьэ Балъкъэр къэрал драмэ театрым «Голубые ели» санаторэм сыхьэт 19-рэ дакъикъэ 30-м щигъэлъэгъуэнущ «Крепость Шамая» спектаклыр.

         Горький Максим и цIэр зезыхьэ Урыс къэрал драмэ театрым жэпуэгъуэм и 21-м сыхьэт 12-м щIидзэу  игъэлъэгъуэнущ «Ястребок» спектаклыр.

         КъБР-м и Музыкэ Къэрал театрым жэпуэгъуэм и 24-м сыхьэт 12-м щагъэлъэгъуэнущ «Волшебная свирель Ашамаза» балетыр.

         УпщIэ зиIэхэр фыпсалъэ хъунущ мы телефонымкIэ: 42-43-13.

ТЕКIУЖЬ Заретэ.