Дзэ Iуэху хэхам хэтхэмрэ абыхэм я унагъуэхэмрэ папщIэ

Бадзэуэгъуэм и 22-м лэ­жьэн щIидзащ дзэ Iуэ­ху хэхам хэтхэмрэ абыхэм я унагъуэхэмрэ медицинэ психологие дэIэпыкъуныгъэ щагъуэт, зыуэ щыт ­къэрал телеграм-напэкIуэ­цIым. Проектыр къы­зэра­гъэ­пэщащ Хэкум и зауэлI­хэм я уна­гъуэ­хэм я ко­­митетымрэ «Социальная сфера» фондымрэ («Здра­в­Контроль» къэрал проектым и гуп). Ар ягъэзащIэ Урысей Федерацэм и Жылагъуэ палатэр я дэIэпыкъуэгъуу.

https://t.me/-r-NICAoiZghk2QTNi упщIэ-жэуапхэр щызэIапах телеграм-гупыр махуэ къэс сыхьэти 9-м щегъэжьауэ 21-рэ хъуху мэлажьэ. Iуэ­хум фIыуэ хэзыщIыкI къэ­рал медицинэ психолог гупым дзэ Iуэху хэхам хэтхэмрэ абыхэм я унагъуэ­хэмрэ зыгъэгумэщIхэм теу­хуауэ чэнджэщхэр ират. 
МазитIым къриубыдэу телеграм-напэкIуэцIымкIэ зыкъызэрыхуагъэза Iуэ­ху 400-м щIигъум хэп­лъащ, уп­щIэ-жэуап щызэ­Iэ­пах гу­пым хыхьащ цIыху 6800-рэ. Гупым къатхэм я унэцIэр къагъэлъа­гъуэркъым, ар къагъэ­сэ­бэп хъунущ ди къэ­ралым и дэтхэнэ зы щIыналъэми щыпсэухэм. Телеграм-напэ­кIуэцIым щекIуэкI лэжьыгъэм зрагъэужьын, дзэ Iуэху хэхам хэтхэмрэ абыхэм я уна­гъуэхэмрэ ират психологие дэIэ­пыкъуныгъэр ирагъэ­фIэ­кIуэн папщIэ, проектым и къызэгъэпэщакIуэ­хэм Уры­­сей психологие зэгухьэ­ныгъэмрэ Ломоносов М.В. и цIэр зезыхьэ Москва къэ­рал университетымрэ я дэIэ­пыкъуэгъуу методикэ къы­дэ­кIыгъуэ щхьэхуэхэр ягъэхьэзыр. Iуэхум ухэзыгъэгъуазэ дизайн-макет щхьэ­хуэхэр ящIащ, QR-кодыр иIэу, напэкIуэцIым и лэжьыгъэр зэрекIуэкIым теухуа хъыбархэр къыщып­щIэу. Ахэр щызэбграгъэхынущ медицинэ, социальнэ IуэхущIапIэхэм, Къалэн куэд щагъэзащIэ центрхэм, дзэ Iуэху хэхам хэтхэм ща­дэIэпыкъу IэнатIэхэм, дзэ комиссариатхэм, хъыбарегъащIэ IэнатIэхэм интернетым щаIэ напэкIуэцI щхьэ­хуэхэм. 
- Дэ долъагъу апхуэдэ Iуэху бгъэдыхьэкIэм мыхьэ­нэ зэриIэр, абы цIыху куэд къызэрыпэджэжыр. Зэман гъунэгъум проектым и медицинэ психологхэм щыты­кIэ нэхъ гугъу ихуахэм щхьэ­хуэу гулъытэ хуащIынущ, набдзэгубдзаплъэу якIэ­лъып­лъынущ. - жиIащ ­УФ-м и Жылагъуэ палатэм хэт, «ЗдравКонтроль» къэрал проектым и унафэщI Мартынов Евгений.
КСВО-м и унафэщI Белеховэ Юлие къыхигъэщащ дэIэпыкъуныгъэр псынщIэу икIи и чэзум яIэрыхьэн зэры­хуейр. Зыгъэпсэхугъуэ махуэхэми психологхэм зыпащIэфу щытыну зэры­хуеймкIэ зыкъыщыхуагъа­зэм, телеграм-напэкIуэ­цIыр­ махуэ къэс лажьэу зэт­раухуащ. Телеграм-гупым къатхэхэм я цIэ-унэцIэхэр къызэрамыгъэлъагъуэм къы­хэкIыу, щхьэзакъуэ дэ­Iэ­пыкъуныгъэ хуейхэр кIуэ пэтми нэхъыбэ мэхъу.