Гулъытэ хуащI, ягъэгуфIэ

Урысейм и суд приставхэм я федеральнэ къулыкъум  и управленэу КъБР-м щыIэм и лэжьакIуэхэр Хэкум и ­хъумакIуэм и махуэм ипэ къихуэу щыIащ Налшык къалэм дэт жьы  хъуахэмрэ ныкъуэдыкъуэхэмрэ щакIэлъыплъ унэ-интернатым. Абы иджыпсту щопсэу зи ныбжь хэкIуэтауэ цIыхуи 140-м ­щIигъу. Ахэр гуапэу икIи къащыгуфIыкIыу къаIуощIэ хьэщIапIэ яхуэкIуэхэм. 

- Ди дежкIэ мыхьэнэшхуэ иIэщ сыт и лъэныкъуэкIи пщIэ зэ­ра­хуэтщIыр абыхэм зыхедгъэщIэным, ахэр дгъэгуфIэным, - жиIащ Управленэм и оперативнэ плъыр IэнатIэм и унафэщI Къазий Анзор.
Нанэхэмрэ дадэхэмрэ ящыщ куэдыр палатэхэм къы­щIэкIыфынукъым, аращи, ахэр хуэныкъуэщ апхуэдэ гулъытэм, псэлъэгъухэм. 
Iуэхум и кIэухыу суд приставхэм унэ-интернатым щыпсэу-  хэм тыгъэхэр иратри, Хэкум и хъумакIуэм и махуэмкIэ ехъуэ­хъуащ. ХьэщIэхэм жаIащ мы махуэр абыхэм  я гум гуабэу         икIи нэхуу къинэну зэрыщыгугъыр.   

БАХЪСЭН Ланэ.