Псалъэмакъ щхьэпэ

25 марта, 2025 - 10:49

КъБР-м и Муслъымэнхэм я IуэхущIапIэм и унафэщIым и дэIэпыкъуэгъу Амщыкъуэ Анджелэ дызэрыт Рэмэдан мазэ лъапIэм щыIащ Урысей ФСИН-м и управленэу КъБР-м щыIэм судкIэ тезыр зытралъхьахэр щаIыгъ и колоние №4-м икIи ягъэтIыса цIыхубзхэм псалъэмакъ щхьэпэ ядригъэкIуэкIащ. 

Анджелэ тезырыр зыпшыныжхэм яхутепсэлъыхьащ цIыхугъэм, Тхьэшхуэм къабыл ищI IуэхуфIхэр лэжьыным. Ягу къигъэкIыжащ нэщIыным имызакъуэу фIы и лъэныкъуэкIи зыхъуэжын зэрыхуейр,  щигъэгъуэзащ нэщIыныр къызэрежьам, диныр зыIыгъхэм Рэмэданым къриубыдэу пщэрылъ яхуэхъухэр. 
КъБР-м и Муслъымэнхэм я IуэхущIапIэм и унафэщIым и дэIэпыкъуэгъум ядиIыгъащ къызэхуэсахэр гъуэгу захуэм теувэжу гъащIэм и лъапIэныгъэхэм щIэгупсысыным зэрыхуэпабгъэр. 
 

БАХЪСЭН Ланэ.
  • 21 просмотр
Поделиться: