Сатууэ ящIым хохъуэ

31 марта, 2025 - 11:30
2025 гъэм и щIышылэм къриубыдэу Къэбэрдей-Балъкъэрым розницэ сатууэ щащIам сом мелард 22,8-рэ къыпэкIуащ е нэгъабэ и апхуэдэ пIалъэм щыIахэм проценти 106,5-кIэ хуэкIуэу. Бжыгъэхэм къагъэлъагъуэ щIыналъэм и экономикэм и IэнатIэхэм зыужьыныгъэфIхэр зэрагъуэтыр. 
Къапщытэж лъэхъэнэм къриубыдэу розницэ сатууэ ди щIыналъэм щащIам и процент 55,2-р къалъос тыкуэнхэмрэ уней IуэхущIапIэхэмрэ, бэзэрхэмрэ жармыкIэхэмрэ – процент 44,8-р. Мыбдежми псори зэхэту ящар зэпэщхьэхуэу къэдгъэлъагъуэу щытмэ, ерыскъымрэ ерыскъыхэкIхэмрэ процент 49,9-р яубыд, хьэпшыпхэм – процент 50,I-р. 
2025 гъэм и щIышылэм къриубыдэу ерыскъыхэкIыу, псыхэкIхэри, тутынхэри яхэту, ящащ сом мелард II,4-рэ я
уасэ е 2024 гъэм и апхуэдэ пIалъэм щыIа бжыгъэхэм проценти I04,7-кIэ хуэкIуэу. ЕрыскъыхэкIыу щымыт продукцэхэми сом мелард
II,4-рэ къапэкIуащ, абы ипэ ита илъэсым яхузэфIэкIам нэхърэ проценти I08,I-кIэ ар нэхъыбэщ.
Дызэрыт илъэсым мазаем и I-м сату зыщI IуэхущIапIэхэм хьэпшып зэгъэтIылъэкIауэ ящэну яIэр сом меларди 5,2-рэ и уасэ мэхъу, ар процент 0,2-кIэ нэхъыбэщ абы ипэ ита мазэм щыIа бжыгъэхэм нэхърэ икIи процент I7,6-кIэ нэхъыбэщ 2024 гъэм и апхуэдэ пIалъэм елъытауэ.
«Апхуэдэ зэфIэкIхэр зэрыщыIэм я фIыгъэ хэлъщ IэнатIэм ират къэрал дэIэпыкъуныгъэхэмрэ щIыналъэм щылажьэ «Дунейпсо кооперацэмрэ экспортымрэ», «Зэхьэзэхуэр зи лъабжьэ экономикэ лъэщ» лъэпкъ пэхуэщIэхэмрэ, щIыналъэ дэIэпыкъуныгъэри абыхэм яхэту», - жиIащ КъБР-м промышленностымкIэ, энергетикэмрэ сатумкIэ и министр Iэхъуэбэч Щамил.       
ХЬЭЩЫКЪУЕЙ Олег.
  • 20 просмотров
Поделиться:

Читать также:

16.03.2026 - 18:18 → Адэм и къалэныр инщ
16.03.2026 - 17:15 → Адыгэбзэр макъыбзэщ
16.03.2026 - 17:08 → ПсыкIэ гугъу ехьыжынукъым
16.03.2026 - 16:05 → Бзэр къыкIэрыху хъунукъым
16.03.2026 - 11:33 → Адыгэ жьэгум и хуабэр