КъБР-м и Iэтащхьэ КIуэкIуэ Казбек IутIыж махуэшхуэм теухуа и хъуэхъу

Къэбэрдей-Балъкъэрым щыпсэу чыристанхэм си гум къыбгъэдэкIыу сохъуэхъу IутIыж махуэ лъапIэмкIэ!

А махуэшхуэм диныр зыIыгъхэр къыхуегъэуш псэ къабзагъэм, захуагъэм тетыным, гумащIэу щы­тынымрэ гущIэгъу яхэлъынымрэ, IуэхуфIхэр лэ­жьыным къыхуреджэ.
Зи пщIэм кIэрымыху а лъапIэныгъэхэр хъу­мэным, цIыхугъэм къигъэув хабзэхэм тетыным хэлъхьэныгъэшхуэ хуащI Къэ­бэрдей-Балъкъэ­рым и члисэхэм. НэгъуэщI динхэр зезы­хьэхэм, жыла­гъуэ зэгухьэныгъэхэмрэ къэрал IуэхущIапIэхэмрэ быдэу япыщIауэ ахэр хуолажьэ ди тхыдэр, щэн­хабзэр, дэтхэнэм ­дежкIи мы­хьэ­нэшхуэ зиIэ щIэинхэр хъумэным, зызэ­хэ­щIы­кIынымрэ пщIэ зэхуэ­щIынымрэ, мамырыгъэмрэ зэгурыIуэныгъэмрэ жы­лагъуэм щытепщэу щы­тыным.
Республикэм щыпсэу чыристанхэм пщIэшхуэ яхуэфащэщ псапащIэ, егъэджэныгъэ Iуэхухэм, хэкупсэ программэхэм жыджэру зэрыхэтым, къыт­щIэхъуэ щIэблэр гъэсэным зэре­гугъум папщIэ.
Къэбэрдей-Балъкъэрым щыпсэухэм си гум къыбгъэдэкIыу сохъуэхъу узыншагъэ быдэ яIэну, зэIузэпэщу, я мурадыфIхэр къехъулIэу псэуну.