ЛIыгъэм и дерс

Урысей гвардием и управленэу КъБР-м щыIэм и  лэжьакIуэхэм, ведомствэм и ветеранхэм я щIыналъэ советым и тхьэмадэ, полицэм и полковник Хужьокъуэ Руслан  ящIыгъуу,  ТекIуэныгъэ Иныр илъэс 80 зэрырикъум теухуа  дерс зэIуха драгъэкIуэкIащ Кыщпэк    къуажэм и школакIуэхэм.  
Ахэр яхутепсэлъыхьащ Хэку зауэшхуэм и лIыхъужьхэм зэрахьа лIыгъэхэм, ТекIуэныгъэм и тхыдэм, абы дуней псом щиIэ мыхьэнэм. АдэкIэ  КИФЩI-м и СОБР-м и  офицер, полицэм и лейтенант К. МуIэед  ахэр  щыгъуазэ ищIащ Макаровым и кIэрахъуэмрэ Калашниковым и автоматымрэ я  зэхэлъыкIрэ, яригъэлъэгъуащ абыхэм я пкъыгъуэ нэхъыщхьэхэр, АК-74-р зэрызэпкърыпхынумрэ зэрызэпкърыплъхьэнумрэ, абы дихьэхахэр      ар яхузэфIэкIынумэ еплъыжащ.     
ЗэIущIэм и кIэухым  егъэджакIуэхэмрэ школакIуэхэмрэ хьэщIэхэм фIыщIэ хуащIащ  я зэIущIэ гъэщIэгъуэным папщIэ.