Iуэхутхьэбзэ псори зэхуэдэкъым

5 мая, 2025 - 14:17
Кавказ Ищхъэрэм СтатистикэмкIэ и управленэм къызэритамкIэ, дызэрыт илъэсым и щIышылэм - мазаем къриубыдэу Къэбэрдей-Балъкъэрым и цIыхухэм сом мелард 13,2-рэ и уасэ Iуэхутхьэбзэ хуащIащ. Нэгъабэ и апхуэдэ пIалъэм щыIа бжыгъэхэм нэхърэ ар проценти 117,1-кIэ нэхъыбэщ.
А пIалъэм къриубыдэу унагъуэ Iуэхухэм пыщIа, цIыхум хуащIэ Iуэхутхьэбзэхэм псори зэхэту сом меларди 2,2-рэ къыпэкIуащ икIи 2024 гъэм и апхуэдэ пIалъэм щыIа бжыгъэхэм нэхърэ ар процент 34,7-кIэ нэхъыбэщ. 
Республикэм щыпсэухэм пщIэ зыщIат Iуэхутхьэбзэхэм ящыщу псом нэхърэ нэхъыбэ зыубыдыр псэупIэ-коммунальнэ Iуэхутхьэбзэхэрщ – процент 25,3-рэ. Унагъуэ Iуэхухэм япыщIа, цIыхухэм хуащIэ Iуэхутхьэбзэхэм (унэлъащIэхэр зэгъэпэщыжын, бжэ-щхьэгъубжэхэр хэгъэувэн, щыгъын, вакъэ егъэдын, зыгъэдэхэн, н.къ.) процент 16,7-рэ, телерадио, связь зэпыщIэныгъэхэм - процент II.
ЦIыхухэм псори зэхэту Iуэхутхьэбзэу хуащIэм и процент 69,5-р хьэрычэт IэнатIэ мащIэмрэ курытымрэ хэт IуэхущIапIэхэм къалъос, къэрал IуэхущIапIэхэм (хьэрычэт IэнатIэ мащIэмрэ курытымрэ щымыщхэм) -процент 30,5-рэ.
2025 гъэм гъатхэпэм и I-м ирихьэлIэу, нэгъабэ и апхуэдэ пIалъэм щыIа бжыгъэхэм елъытауэ, туризм IэнатIэм пыщIа IуэхущIапIэхэм цIыхухэм хуащIэ Iуэхутхьэбзэм и куэдагъым процент I,6-кIэ, транспорт IэнатIэм процент 45,4-кIэ, санаторэхэмрэ курортхэмрэ я Iуэхутхьэбзэхэм процент 35,3-кIэ, унагъуэ Iуэхухэм пыщIахэм процент 34,7-кIэ, ветеринар Iуэхутхьэбзэхэм процент 28,5-кIэ хэхъуащ. 
ПщIэ зыщIат Iуэхутхьэбзэхэм ящыщу унагъуэ Iуэхухэм пыщIахэм процент 16,7-рэ яубыд. Ахэр зэпэщхьэхуэу къэбгъэлъагъуэмэ, ухуэныгъэ, зэгъэпэщыжыныгъэ лэжьыгъэхэм процент 58,0-рэ къалъос, унэ транспортым, машинэхэмрэ обрудованэхэмрэ пыщIахэм процент 14,3-рэ, щхьэ щIэщэнымрэ косметикэ Iуэхутхьэбзэхэмрэ проценти 8,9-рэ. 
ХЬЭЩЫКЪУЕЙ Олег.
  • 32 просмотра
Поделиться:

Читать также:

11.11.2025 - 13:30 → Фашизмэм и «напэр»
11.11.2025 - 13:10 → Дахэ нэщэнэхэр къызытещхэр
11.11.2025 - 13:00 → ЩIыуэпсым епха гъэщIэгъуэнхэр
11.11.2025 - 12:30 → Кувейтым мэлъатэ
11.11.2025 - 12:01 → Бахъсэн къалэр ягъэдахэ