Къэрал IуэхущIапIэхэм жэрдэмыфIхэр щыпхагъэкI

КъБР-м и Iэтащхьэ КIуэкIуэ Казбек лэжьыгъэ IуэхукIэ Москва щыIэу яхуэзащ ди республикэм и лIыкIуэхэу ФедерацэмкIэ Советым хэт, УФ-м и сенаторхэу Къанокъуэ Арсенрэ Ульбашев Му­хьэрбийрэ. Ахэр тепсэлъыхьащ ди щIыналъэм и зыужьыны- гъэм. 

ЗэIущIэм зэрыщыжаIамкIэ, республикэм Iэмалхэр иIэщ къэрал федеральнэ программэхэм, лъэпкъ проект зэмылIэужьыгъуэхэм хэтыну, узыншагъэр хъумэным, егъэджэныгъэм, щэнхабзэм епха ­IэнатIэхэм нэхъыфIу заужьын папщIэ. КъинэмыщIауэ, абы къыща­Iэтащ ди щIыналъэр мылъку хэлъхьэпIэ хъуным адэкIи хэкIыпIэхэр къыхузэгъэпэщын зэрыхуейм хуэгъэза Iуэхугъуэхэм, псом хуэ­мыдэу социальнэ IэнатIэхэм епхахэм. Ар ехьэлIащ спортым, туриз­мэм, Налшык и зыгъэпсэхупIэхэм, социальнэ унэтIыныгъэ зиIэ нэ­гъуэщI IуэхущIапIэхэми адэкIи зегъэужьыным. 
Гулъытэ хэха игъуэтащ СВО-м хэт ди лъахэгъу зауэлIхэмрэ абыхэм я унагъуэхэмрэ ядэIэпыкъунми.
Ди республикэм и пашэм фIыщIэ ин яхуищIащ сенаторхэм, къэ­ралым къыщащтэ хабзэхэр убзыхуным дапщэщи жыджэру зэ­рыхэтым, апхуэдэуи ди щIыналъэм епха жэрдэмыфIхэр федеральнэ утыкум зэрыщыпхагъэкIым папщIэ.