Налшык щыIэнущ журналист зэхуэсышхуэ

ШыщхьэуIу мазэм и 7 - 8-хэм ди республикэм и къа­лащхьэ Налшык щы­зэ­хэтынущ Урысей Феде­рацэм и журналистхэм я «Инфорум» зэхуэсыш-хуэр. Абы теухуа хъыбар ­КъБР-м и Журналистхэм я зэгухьэныгъэм и тхьэмадэ Жы­ласэ Заурбэч бадзэуэгъуэм и 3-м щигъэIуащ а жылагъуэ зэгухьэныгъэм и правленэм хэтхэм я зэIущIэм. 

Жыласэ Заурбэч зэ­ры­жи­IамкIэ, Урысейм и журналистхэм я «Инфорум» зэ­хуэс иныр федеральнэ мы­хьэнэ зиIэ Iуэхугъуэщ. Абы хэтынущ УФ-м и Журналистхэм я зэгухьэныгъэм и уна­фэщIхэр, къэралым и хъыбарегъащIэ IэнатIэ нэхъ инхэм, медиаплатформэхэм я пашэхэр, зэгухьэныгъэм щIы­налъэ­хэм щиIэ къудамэхэм я тхьэмадэ­хэр, журналист цIэрыIуэхэр, нэ­гъуэщI­хэри. Абыхэм зэ­хуэсым и ­утыкухэм щатынущ мастер-клас­схэр, щагъэлъэгъуэнущ хъыбар­егъащIэ IэнатIэм зэрызиужьыпхъэм ехьэлIа я про­ектыщIэхэр, журналист Iэ­зэхэм а IэщIагъэм ди- хьэх­хэр щагъэгъуэзэнущ хэлъ щхьэхуэныгъэхэм, чэнджэщ щхьэ­пэ­хэм­кIи ядэгуэшэнущ. «Инфо­рум»-м и къалэн нэхъыщхьэр еп­хащ щIыналъэ медиазэгухьэныгъэхэм, хъыбарегъащIэ Iуэ­ху­щIапIэхэм я IэщIагъэлI­хэм я зэфIэкIым, Iэзагъым                 нэхъри хэгъэхъуэным. 
Ди республикэм иджы япэу къы­щызэрагъэпэщыну зэхуэсышхуэм хуэдэ нэхъапэIуэкIэ, илъэс блэкIахэм, щрагъэкIуэкIакIэщ къэралым хыхьэ субъектхэм ящыщу 60-м щIигъум. Ди деж «Инфорум»-р щекIуэ­кIы­нымкIэ жэрдэмыр  даIы­гъащ «КъБР-Медиа» IэнатIэмрэ, КъБР-м Бжыгъэхэр зи лъабжьэ зыужьыны­гъэмкIэ, связымрэ цIыхубэ зэпы­щIэныгъэхэмкIэ и министерствэмрэ.
ХьэщIэ лъапIэ куэд зы­хэтыну «Инфорум»-м ди щIыналъэм и журналистхэм къадэкIуэу ирагъэблэгъэнущ еджапIэ нэхъыщхьэхэм а IэщIагъэм щыхуеджэ студентхэр, бакалаврхэр, магистрхэр. Апхуэдэу абы ­кърахьэлIэнущ КъБР-м и Журналистхэм я зэгухьэ-ныгъэм и нэIэм щIэту нэ­гъабэ лъандэрэ респуб­ликэм щы­ла­жьэ Журна-лист ныбжьыщIэхэм я школым и гъэсэнхэри. Абыхэм ящыщ дэтхэнэми IэмалыфI иIэнущ УФ-м и Журналистхэм я зэгухьэныгъэм и унафэщI Соловьёв Владимир, абы и къуэдзэхэу Загитовэ Юлиерэ Шафир Тимуррэ, къэралым и хъыбарегъащIэ IэнатIэхэм я IэщIагъэлI цIэрыIуэхэм зыхуагъэзэну, епсэлъылIэну. Лекцэхэмрэ семинархэмрэ, мастер-классхэмрэ гъэ­лъэ­гъуэ­ны­гъэ­хэмрэ къакIэлъы­кIуэу зэ­IущIэм кърихьэлIэхэр экспертхэми яхуэзэфынущ. 
ТАМБИЙ Линэ.