Лъы хуэныкъуэхэм папщIэ

8 августа, 2025 - 10:11

Урысей МВД-м   Шэрэдж  районым щиIэ къудамэм и лэжьакIуэхэм, я унафэщI,  полицэм и  майор Узденов Ислъам ящIыгъуу, лъы ятащ. Iуэху щхьэпэм къыхыхьащ къудамэм дэлажьэ Жылагъуэ советым и тхьэмадэ Жылокъуэ Феликс.

Полицейхэр щыгъуазэщ  гъуэгу-транспорт къэхъукъащIэхэм, бзаджащIэхэм я лей зытехьахэр Iэмал имыIэу лъы хуэныкъуэ зэрыхъум.   Iуэху щхьэпэм хэтащ  лэжьакIуэ 20. Абыхэм ящыщт  япэу апхуэдэ гупыж зыщIахэри. 
- Донору ущытыныр  мыхьэнэшхуэ  икIи сыт щыгъуи  щIэупщIэ зиIэ Iуэхущ.   Дыщогугъ икIи ди фIэщ мэхъу  тхаша лъым  зыгуэрым и гъащIэр къызэрыригъэлынур, - жиIащ   Узденов  Ислъам.

БАХЪСЭН Ланэ.
  • 38 просмотров
Поделиться: