«ЦIыхубэ участковэ-2025»

Къэбэрдей-Балъкъэрым щызэхаублэнущ «ЦIыхубэ участковэ-2025» урысейпсо зэпеуэр. Зэхьэзэхуэр Iыхьищу гуэшащи, япэмрэ етIуанэмрэ районхэмрэ щIыналъэмрэ щызэхэтынущ. Ар хуэгъэпсащ полицэм и лэ­жьа­кIуэхэм дзыхь хуащIы­ным, полицэм и участковэ уполномоченнэхэм я къалэнхэр зыхуэдэмрэ зэфIагъэкIхэмрэ жылагъуэм ягурыгъэ­Iуэным. 

Зэпеуэм и дэтхэнэ Iыхьэми щытекIуэр къыхахынущ цIыхухэм я онлайн-IэIэтым кърикIуахэмкIэ. Гукъыдэж зиIэ дэтхэнэми Iэ хуиIэтыфынущ полицэм и участковэ уполно-моченнэу а цIэр зыхуэфащэу къилъытэм.
«ЦIыхубэ участковэ» цIэм щыщIэбэныну зэпеуэм и япэ Iыхьэм хэтыну дэтхэнэми и IуэхущIафэхэм щыгъуазэ зы­-      щы­фщIыфынущ Къэбэрдей-Балъкъэр Республикэм щыIэ МВД-м и Интернет-сайтым.
Зэпеуэм и япэ онлайн-IэIэтыр екIуэкIынущ мы гъэм фокIадэм и 11 - 20-хэм. Абы щытекIуа участковэхэу етIуанэ Iыхьэм хэтынухэр наIуэ къащIынущ жэпуэгъуэм и 7-м. Онлайн-IэIэтыр 2025 гъэм жэпуэгъуэм и 7 - 16-хэм екIуэкIы-нущ. 
Зэпеуэм и ещанэ (кIэух) федеральнэ Iыхьэм хэтынущ ипэкIэ екIуэкIа зэпеуэхэм щытекIуахэм ящыщу дэтхэнэ ­щIыналъэми къыбгъэдэкI зы участковэ.

БАХЪСЭН Азэмэт.