Сэхураныр кърахьэлIэж

Къэбэрдей-Балъкъэрым сэхураныр жыджэру щыIуахыж. Республикэм и щIыналъэхэмрэ къалэхэмрэ я администрацэхэм АПК-мкIэ я управленэхэм зэкIэ къызэратамкIэ, гектар мини 2-м псори зэхэту тонн мини 3,3-рэ нобэкIэ къытрахыжащ - зы гектарым ику иту центнер 16,5-рэ хуэзэу. Нэгъабэ и апхуэдэ пIалъэм яхузэфIэкIам нэхърэ зымащIэкIэ ар нэхъыбэщ.

 Мы гъэм сэхураным щIыуэ ирагъэубыдам и куэдагъыр гектар мин 17-м ноблагъэ икIи илъэс къэс ар зыхащIэм хуэдизу къэнэжащ. А мэкъумэш къэкIыгъэм нэхъыбэу щегугъур Прохладнэ, Бахъсэн, Дзэлыкъуэ, Май районхэрщ икIи республикэм щIыуэ абы щыхухахым и процент 80-р а щIыналъиплIым къалъос.

ХЬЭЩЫКЪУЕЙ Олег.