КъБР-м и 1этащхьэ К1уэк1уэ Казбек УФ-м и Президент Путин Владимир къыщалъхуа махуэмкIэ ехъуэхъуащ

Нобэ ди Президент Путин Владимир Владимир и къуэр къыщалъхуа махуэщ. Къэбэрдей-Балъкъэрым щыпсэухэми къабгъэдэкIыу, си щхьэкIи гурэ псэкIэ сохъуэхъу Владимир Владимир и къуэм! 
Дэ дрогушхуэ ди къэралым ис лъэпкъхэм я Пашэм. Путин Владимир и унафэм щIэтущ Урысейр экономикэми политикэми я лъэныкъуэкIэ дуней псом щыпэрыт къэрал щыхъуар. 
Урысейм и гупэр цIыхубэм яхуэгъэза зэпытщ. НэгъуэщI зы къэрали щыIэкъым апхуэдэу езым и цIыхухэм, сабий зэрыс унагъуэхэм шэсыпIэ убгъуа яриту. 
Лъэпкъ проектхэр къызэрагъэщхьэпэм и фIыгъэкIэ, ди Хэкум ис цIыхухэм я псэукIэ зэтегъэпсыхьар кIуэ пэтми йофIакIуэ. Апхуэдэ жэрдэмхэр къыхэзылъхьэр Владимир Владимир и къуэрщ. Къэралым и УнафэщIым мыхьэнэшхуэ ирет ахэр гъэзэщIа зэрыхъум, щIыналъэ къэс и щытыкIэми кIэлъоплъ. 
Бэм я дзыхьышхуэ къилэжьащ Путин Владимир, лъэпкъыр зэкъуигъэувэщ, къэралыр ихъумэри, зыужьыныгъэм и гъуэгум хуиунэтIащ. 
Лъэпкъыбэу зэхэт Урысейм дежкIэ лъапIэныгъэ нэхъыщхьэу къокIуэкI цIыхум и хьэкъымрэ и хуитыныгъэмрэ, хабзэкIэ къекIуэкI лъапIэныгъэхэр хъумэныр, унагъуэмрэ сабийхэмрэ защIэгъэкъуэныр. 
Сигуми си псэми къабгъэдэкIыу, Владимир Владимир и къуэм фIыщIэ хузощI Къэбэрдей-Балъкъэрым кърит гулъытэм, цIыхубэр зыхуэныкъуэ Iуэхухэр зэфIэтхынымкIэ щIэгъэкъуэн къызэрытхуэхъум папщIэ. 
Узыншагъэ быдэ, фIыгъуэ, ехъулIэныгъэ иIэу Урысейм дяпэкIи хуэлэжьэну сохъуэхъу ди Президентым! 
Укъыщалъхуа махуэмкIэ сынохъуэхъу, Владимир Владимир и къуэ! Къэбэрдей-Балъкъэрыр сыт щыгъуи уи гъусэщ!