ЩIэблэ узыншэ-2025

13 ноября, 2025 - 11:50

Къэбэрдей-Балъкъэр Республикэм щрагъэжьащ «ЩIэблэ узыншэ - 2025» Iуэхум и етIуанэ Iыхьэр. 
Афияным пэщIэтынымкIэ КъБР-м и МВД-м щыIэ Управленэм щекIуэкIащ «ЩIэблэ узыншэ - 2025» Iуэхум и етIуанэ Iыхьэр егъэкIуэкIынымкIэ жэуап зыхь штабым и зэIущIэ. ЗэраубзыхуамкIэ, Iуэхур екIуэкIынущ щэкIуэгъуэм и 12 - 21-хэм. 
Абы и къалэн нэхъыщхьэр – ныбжьыщIэхэмрэ щIалэгъуалэмрэ хабзэм емыбакъуэу, афиянымрэ акъылыр зэзыгъэкIуэкI щхъухьхэмрэ зрамыхьэлIэу, зыIэпамыхыу, апхуэдэ щIэпхъаджагъэхэм къыпэкIуэнкIэ хъуну тезырым щыгъуазэу гъэсэнырщ. Мы Iуэхум хэтщ афияным пэщIэтынымкIэ Управленэр, уголовнэ къэлъыхъуэныгъэм, полицэм и лэжьакIуэхэр, зы ныбжьыр балигъыпIэ имыувахэм я IуэхухэмкIэ инспекторхэр, КъБР-м Узыншагъэр хъумэнымкIэ, ЩIалэгъуалэм я IуэхухэмкIэ, Бжыгъэм зегъэужьынымкIэ, ЩэнхабзэмкIэ, Лъэпкъ Iуэхухэмрэ жылагъуэ зэгухьэныгъэхэмкIэ, СпортымкIэ министерствэхэр, ныбжьыщIэхэмрэ щIалэгъуалэмрэ ятеухуауэ лажьэ жылагъуэ зэгухьэныгъэхэр. 
КъэхъукъащIэхэм елъытауэ лэжьыпхъэр зыубзыху, щIыпIэ самоуправленэхэмрэ къалэхэмрэ къикI хъыбархэр зэхэзыгъэкI штаб къызэрагъэпэщащ. 

 

Фырэ Анфисэ.
  • 9 просмотров
Поделиться: