Хьэкъул Тимур етIуанэщ

УФ-м иджырей пятиборьемкIэ пашэныгъэр къыщыхьыным хуэунэтIа зэхьэзэхуэрэ урысейпсо зэпеуэрэ Киров къалэм щекIуэкIащ иджыблагъэ. Абы хэтащ ди къэралым и щIыналъэхэм ящыщу 17-м я спортсмен 300-м щIигъу. 

Къэбэрдей-Балъкъэрым и щIыхьыр иIэту зэхьэзэхуэхэм щыIащ Хьэкъул Тимур икIи и зэфIэкIхэр щигъэлъэгъуащ псы есынымкIэ метри 100 зи кIыхьагъ гъуэгуанэр нэхъ псынщIэу зэпычынымрэ къызэдэжэнымкIэ зэпеуэхэм. 

Зэхьэзэхуэм къарикIуахэр зэхалъхьэжа нэужь наIуэ къызэрыхъуамкIэ, ди щIалэм дыжьын медаль къратащ УФ-м пашэныгъэр къыщыхьыным хуэуэнэтIауэ екIуэкIа зэпеуэм.

Хьэкъул Тимур и тренерыр Европэми Урысей Федерацэми я чемпион, УФ-м спортымкIэ и мастер Зенин Игорщ. 

 

Япэ махуэм ирагъэкIуэкIа гупхэм я зэпеуэм Къэбэрдей-Балъкъэрым и командэм – Къуэдз Дэнизэ, Лавринович Аурикэ, Хромовэ Аурикэ, Табаковэ Елизаветэ, Жабоевэ Полинэ сымэ, - дыщэ медалыр къихьащ икIи КИФЩI-м и чемпион хъуащ. 

ЕтIуанэ махуэм екIуэкIащ щхьэзакъуэ, цIыху тIурытIхэм я зэпеуэхэр. ТIурытI хъухэм я деж япэ, щхьэзакъуэхэм я деж етIуанэ увыпIэхэр къыщихьащ Къуэдз Дэнизэ. Лавринович Аурикэ етIуанэ щыхъуащ щхьэзакъуэхэм я зэпеуэм.

  ЦIыхубзхэм я зэхьэзэхуэм ди командэм етIуанэ увыпIэр щиубыдащ

Зэпеуэхэм къарикIуахэр зэхалъхьэжа нэужь, Къуэдз Дэнизэ, Лавринович Аурикэ, Хромовэ Аурикэ сымэ Iэмал ягъуэтащ КъБР-м и командэм хэту УФ-м стIолыщхьэ теннисымкIэ пашэныгъэр къыщыхьыным хуэунэтIауэ мы гъэм Архангельск къалэм щекIуэкIыну зэпеуэм я зэфIэкIхэр щагъэлъэгъуэну. Абы нэмыщI, Къуэдз Дэнизэ щхьэзакъуэ зэхьэзэхуэхэми хэтынущ.

Ди командэм и тренерыр Хъыдзэдж Беллэщ.

 

Я хьэлъагъ елъытауэ зыхэта гупхэм япэ увыпIэхэр чемпионатым къыщахьащ Iухъу Имран, Махуэ Азрэт, Шагъыр Дамир, Сомгъур Алий, Джэду Елдар, Ногеров Алихъан, Индрей Ислъам, Сыжажэ Имран, Казаков Салихъ, Къэзан Айдар, Гелоев Эмирхъан, Къагъырмэс Имран, Тебердиев Темырлан, Мисиров Камиль, ЗэкIурей Эмин, Уэтэр Алихъан, Куэший Къантемыр, Ахъмэт Радион, ПщыукI Инал, Хъубий Амир, Мендикеев Имран, Къанымгъуэт Къантемыр, Уэтэр Алан, Мансуров Имран, Урузаев Елдар, Сомгъур Шэмхъан, Хьэлышх Идар, Лъэпщ Ислъам, Мэшыкъуэ Аслъэн, Шахбанов Гамазатда, Исмаилов Исмэхьил, Алокъуэ Марат, Бисеров Аскэр, Эсханулла Арьяи, Ащхъуэт Къантемыр, Къармокъуэ Руслан, Азнауров Ислъам, Истепан Алим сымэ. 

ЕтIуанэ увыпIэхэр къахьащ Гамурзиев Мухьэмэд, Алибеков Ансар, Алмэ Темырлан, Гаджиханов Iэниуар, Биттиров Дауд, Шэрий Темырлан, Архэст Абдуррахьман, Бозий Данил, Хапаев Эмиль, Гороев Имран, Бозий Алихъан, Семэн Чэрим, Къашыргъэ Сэлихь, Боллуев Аскэрбий, Къэзан Алихъан, Теувэж Аслъэн, ПащIэ Мухьэмэд, Дзэмыхь Ислъам, Балаев Iиляс, Мэшокъуэ Сэлим, Батыр Имран, Азэмэт Адмир, Бэрэгъун Дауд, Хакимов Умар, Гузиев Мухьэмэд, Уэршэкудыгъу Имран, Губеков Iэдэм, ЛIымахуэ Арсен, Шагъыр Ратмир, Мирзоев Амир, Темукуев Азэмэт, Балэ Астемыр, Дзу Рустам, Къумыкъу Имран, Балаев Рахим, Ерыжокъуэ Алан, Гувэжыкъуэ Арсен, Къардэн Ислъам, Алиев Iэдэм, Батыр Къантемыр, Гериев Казбек, Эржыб Алим сымэ. 

Гупхэм я зэпеуэм «Iуащхьэмахуэ» спорт клубым япэ, «Гладиатор»-м етIуанэ, «К-dojo»-м ещанэ увыпIэхэр къыщахьащ.

 

Урысей Федерацэм и командэ къыхэхам хэту зэхьэзэхуэм щыIащ Къэбэрдей-Балъкъэрым и спортсменитI икIи ТекIуий Алий хузэфIэкIащ домбеякъ медаль къихьын. Ди щIалэм зэIущIитху абы щригъэкIуэкIащ, щызэуар илъэс 16-17 зи ныбжьхэм я дежщ, езым и хьэлъагъыр зэрыхъур килограмм 55-рэщ. 

ТекIуий Алий и тренерхэр Губэшы Аслъэн, КIэмпIарэ Рустам, Мэш Азэмэт сымэщ.