Сабийхэм яхуэгъэза гулъытэ

Ди республикэм и къалащхьэ Налшык дэт сабий гъэсапIэ №73-р дыгъуасэ къызэIуахыжащ, гуфIэгъуэ щытыкIэм иту. Абы кърихьэлIащ КъБР-м егъэджэныгъэмрэ щIэны­гъэм­кIэ и министр Езауэ Анзор, министерствэм и IэщIагъэлIхэр, къалэм дэт гъэсапIэхэм я унафэщIхэм, адэ-анэ­хэм ящыщхэр. 

Видеоконференц зэпыщIэныгъэ Iэмалыр къигъэсэбэпу гуфIэгъуэ зэIущIэм хэтащ УФ-м егъэджэныгъэмкIэ и министр Кравцов Сергей. Ар гуапэу ехъуэхъуащ сабий садым и лэжьакIуэхэм, абы и гъэсэн цIыкIухэм, абыхэм я адэ-анэхэм. 
Сабий гъэсапIэр 1988 гъэм яухуауэ щытащ. Абы лъандэрэ Iуэху­щIапIэр зэрагъэпэщыжурэ гъэ еджэгъуэщIэм хуагъэ­хьэзырыжу лэжьащ. АтIэми, иджырей ухуэныгъэ-зэгъэпэ­щыжыныгъэ лэжьыгъэшхуэхэм хуэдэ зэи щекIуэкIакъым гъэ­сапIэм. А лэжьыгъэхэм къриубыдэу садым и унащхьэр яхъуэ­жащ, и щIыбкIи, и кIуэцIкIи зыхуей хуагъэзащ, инженер коммуникацэхэри щIэкIэ зэрахъуэкIащ. 
КъищынэмыщIауэ, сабий садым хэт пщэфIапIэм щIэт технологие оборудованэхэри щIэкIэ яхъуэжащ. ГъэсапIэр къанэ щы­мыIэу къызэрагъэпэщащ унэлъащIэ екIухэмкIэ, сабийхэр зэ­ры­джэгуну хьэпшыпхэмкIэ, егъэджэныгъэм къыщагъэ­сэбэпыну IэмэпсымэхэмкIэ. А псоми, шэч хэмылъу, щыгуфIыкIащ гъэсапIэм екIуэлIэжа сабий 300-р. 
Къыхэдгъэщынщи, гъэсапIэр зэпэщ ящIащ «ЩIалэгъуа­лэмрэ сабийхэмрэ» лъэпкъ проектым къыщыгъэлъэгъу