Дагъуэ къыхуащIыркъым

3 марта, 2026 - 08:16

Урысей Федерацэм пхъэщхьэмыщхьэ жыгыщIэхэмрэ мэракIуэ лIэужьыгъуэу хасэмрэ я куэдагъымкIэ Къэбэрдей-Балъкъэрыр къэралым и щIыналъэ нэхъыфIищым яхохьэ. Абы нэмыщI, пхъэщхьэмыщхьэрэ мэракIуэ лIэужьыгъуэу кърахьэлIэжым и куэдагъымкIэ УФ-м япэ увыпIэр щиIыгъщ икIи псори зэхэту щызэщIакъуэжам и Iыхьэ щанэр ди республикэм къылъос.

Жыг хадэ гъэкIын IэнатIэмкIэ иужьрей илъэсхэм Къэбэрдей-Балъкъэрым иIэ ехъулIэныгъэхэм хохьэ жыгыщIэ цIыкIухэр къыщагъэкI питомникхэм зэрызаужь зэпытыр. ЖыпIэнурамэ, 2025 гъэм ди республикэм къыщагъэкIащ жыгыщIэ зэмылIэужьыгъуэу мелуани 3-м нэблагъэ. Ди щIыналъэр езыр зрикъунум ар щIегъу.

ЖыгыщIэ цIыкIухэр къагъэкI иджырей технологием тету икIи я фIагъкIэ хамэ къэралхэм ейм къакIэрыхуркъым. Абыхэм ящыщу зы мелуаным щIигъур УФ-м и нэгъуэщI щIыналъэхэм хурагъашэ: Воронеж, Белгород, Ростов областхэм, Краснодар крайм, ди гъунэгъу республикэхэм.

КъищынэмыщIауэ, 2025 гъэм IэщIагъэлIхэм къапщытащ мэкъумэш IуэхущIапIэу 40-м щIигъум псори зэхэту гектар 500-м хащIа жыгыщIэу мелуан 22-м щIигъум я фIагъымрэ къабзагъымрэ зыхуэдэр икIи дагъуэ къагъуэтакъым.

ХЬЭЩЫКЪУЕЙ Олег.
  • 25 просмотров
Поделиться:

Читать также:

17.08.2026 - 15:06 → Щыуэпсымрэ цIыхумрэ
17.08.2026 - 13:00 → Уадыгэу упсэуныр тыншкъым
16.08.2026 - 12:26 → ПсэукIэ жыджэрым хуашэж
16.08.2026 - 11:18 → Музейхэм ядоIэпыкъу
16.08.2026 - 09:30 → ГъэщIэгъуэнщ икIи щхьэпэщ