ЕхъулIэныгъэщIэхэм хуопабгъэ

КъБР-м и Iэтащхьэ КIуэкIуэ Казбек IущIащ Урысей Феде­рацэм ЮстицэмкIэ и министерствэм и управленэу Къэбэрдей-Балъкъэр Республикэм щыIэм и унафэщI Кужонов Жантемыр. Ахэр тепсэлъыхьащ цIыхухэм юридическэ Iуэху­тхьэ­бзэхэр пщIэншэу хуащIэным зегъэужьынымрэ «Про­бацэм теухуауэ» Къэрал хабзэр гъэзэщIа зэрыхъумрэ.

ЗэIущIэм апхуэдэу и гугъу щащIащ, Урысейм ЮстицэмкIэ и министерствэм и коллегием и зэIущIэу иджыблагъэ Москва щызэхэтам къызэрыщагъэувам тету, управленэм дызэрыт илъэсым и лэжьыгъэр нэхъыщхьэу зытеухуауэ щытынухэм, къапэщыт къалэнхэм.
КIуэкIуэ Казбек Кужонов Жантемыр ехъуэхъуащ Урысей Федерацэм и къэрал дамыгъэ лъапIэр - «Хэкум и пащхьэм щиIэ фIыщIэхэм папщIэ» орденым и медалым и II нагъыщэр - къы­зэрыхуагъэфэщам папщIэ. Ар коллегием и зэIущIэм Кужоновым къыщритыжащ Урысей Федерацэм юстицэмкIэ и министр Чуйченкэ Константин. 
Республикэм и Iэтащхьэм я лэжьыгъэфIым папщIэ фIыщIэ яхуищIащ УФ-м ЮстицэмкIэ и министерствэм и Управленэу ­КъБР-м щыIэм и лэжьакIуэ псоми икIи Къэбэрдей-Балъкъэ­рымрэ къэралымрэ заужьыным хуэгъэзауэ зэфIагъэкI Iуэхухэм ехъулIэныгъэщIэхэр къыщахьыну ехъуэхъуащ.Optibusae