Дзэм ираджэнухэм яIуощIэ

КъБР-м щыIэ МВД-м и УНК-м и лэ­жьа­кIуэхэм, военкоматым и Iэ­щIа­гъэлI­хэр ящIыгъуу, республикэм и Дзэ комиссариа­тым дзэ къулыкъум ираджэнухэм зэIущIэ щыд­рагъэ­кIуэкIащ, Наркоманиемрэ нар­котик­хэр щэнымрэ ебэныным и дунейпсо махуэм къриубы­дэу. 

Акцэм и мурадыр дзэм ираджэным зи ныбжьыр зэкIэ нэмысахэр, апхуэ­дэуи мыгувэу дашынухэр гъащIэ узын­шэм, наркотикхэм пэIэщIэным хуэущиинырщ. 
Полицэм и лэжьакIуэхэм дзэ къу­лыкъур езыхьэкIынухэм псалъэмакъ щхьэ­­пэ драгъэкIуэкIащ. Абыхэм ­гу­рагъэIуащ наркотикхэр хабзэнша­гъэкIэ игъэкIыным пыщIа щIэп­хъаджагъэхэм кърикIуэ администяративнэ, уго­ловнэ жэуапхэр. Ахэр къыхураджащ хьэл мыхъумыщIэхэм зыщадзеиным, Хэкум и хъу­макIуэ нэс хъу­ным. 
ЗэIущIэм и кIэухыу къызэхуэсахэм да­Iы­гъащ «Наркотикхэр щремыIэ» флешмобыр. 
БАХЪСЭН  Азэмэт.