КIэлъыплъыныгъэм щIэтщ

Республикэм щыпсэухэр зыгъэгумэщI Iуэхухэм теухуауэ КъБР-м и Iэтащхьэ КIуэкIуэ Казбек епсэлъащ ЩIыналъэм унафэр щызегъэкIуэнымкIэ центрым (ЦУР) и унафэщI КIэдыкIуей Мадинэ.

Интервьюм и гугъу щащIащ цIыхухэм нэхъыбэрэ зэры­зыкъыхуагъазэ Iуэхухэм: гъэсыныпхъэмкIэ, кIэрыхубжьэ­рыху быдэхэр зыщIэкъуэнымкIэ, республикэм туризмэм зыщегъэужьынымкIэ, егъэджэныгъэ IуэхущIапIэхэм зэгъэ­пэ­щы­жы­ныгъэхэр щегъэкIуэкIынымкIэ, жылагъуэ щIыпIэхэр зэIузэпэщ щIынымкIэ, гъуэгухэр егъэфIэкIуэнымкIэ, узын­шагъэр хъу­мэ­нымкIэ щыIэ щытыкIэхэм.
КIуэкIуэ Казбек дэтхэнэ зыми зэпкърыхауэ тепсэлъыхьащ, а унэтIыныгъэхэмкIэ зыIэрагъэхьа ехъулIэныгъэхэми адэкIэ къапэщылъхэми я гугъу ищIу. Гулъытэ нэхъыбэ хуащIащ ­социальнэ мыхьэнэшхуэ зиIэ, къэрал къулыкъущIапIэхэм сытым дежи я кIэлъыплъыныгъэхэм щIэт Iуэхухэм. 
Интервьюм Iэмал къаритащ республикэм и зыужьыныгъэм и унэтIыныгъэ нэхъыщхьэхэм зэIухауэ тепсэлъыхьыну. Псалъэмакъым фыщедэIуэфынущ Къэбэрдей-Балъкъэрым и ЦУР-м интернетым щиIэ напэкIуэцI щхьэхуэхэм.