КъызэрымыкIуэ щытыкIэ къэхъумэ...

Урысей Федерацэм и Правительствэм щIыналъэ зыу­жьы­ныгъэмкIэ и комиссэм и президиумым и зэIущIэм ви­деозэпыщIэныгъэ Iэмалым тету хэтащ КъБР-м и Iэтащхьэ КIуэкIуэ Казбек. Зэхуэсыр иригъэкIуэкIащ Урысейм и Правительствэм и Унафэ­щIым и къуэдзэ Хуснуллин Марат. 

ЗэIущIэм зыщытепсэлъыхьа Iуэхугъуэ нэхъыщхьэхэм ящыщщ Урысей Федерацэм хыхьэ щIыналъэхэм бжьыхьэ-щIымахуэ лъэхъэнэм зэрызы­хуагъэхьэзыр щIыкIэр.
КIуэкIуэ Казбек зэхуэсым ­хэтхэр щыгъуазэ ищIащ Къэ­бэрдей-Балъкъэрым зытеп­сэ­лъыхь­хэм я лъэныкъуэкIэ я Iуэху зыIутым. Абы зэрыжиIамкIэ, псэупIэхэр къызэрагъэ­хуабэ хьэкухэм я процент 60-м щIигъур мы зэманым ирихьэлIэу лэжьыгъэм хуагъэ­хьэ­зыращ. Инфраструктурэр щIымахуэм хуэщIауэ тегъэхьэным пыщIа Iуэхухэр яубзыхуа пIалъэм тету йокIуэкI. ПсэупIэ-ком­мунальнэ хозяйствэм хыхьэ ухуэныгъэхэм абы и лъэ­ныкъуэкIэ щызэфIагъэкIхэм теу­хуа хъыбарегъащIэхэр Уры­сейм УхуэныгъэмкIэ и министерствэм мазэ къэс ягъэхь ягъэува пIалъэм техуэу.
ЗэIущIэм гулъытэ хэха щы­зыгъуэтахэм ящыщщ дунейр ямылейуэ щIыIэ къэхъумэ, унэхэр къызэрагъэхуабэ Iэмэ­псымэхэр абы зэрыпэлъэщыну щIыкIэр. Къэралым и адрей щIыналъэхэми хуэдэу, Къэ­бэрдей-Балъкъэрми и муни­ципалитетхэм къыщызэрагъэ­пэщын хуейщ лэжьыгъэр щы­зэблэу къэхъумэ, щытыкIэр ­зэтес зыщIыжыфыну гупхэр. КъызэрымыкIуэ щытыкIэ къэхъурэ, ныкъусаныгъэхэр икIэ­щIыпIэкIэ ягъэзэкIуэжыну къахудэкIмэ, абы къикIынымкIэ ­къагъэщхьэпэну мылъку-техникэ Iэмалхэмрэ Iэмэ­псы­мэ­хэмрэ хэхауэ яIэнущ.