Налшык къыхуеблэгъэнущ ерыскъыхэкIхэм я фестиваль

22 августа, 2026 - 10:33

ЩIыналъэхэм щекIуэкI «Урысейм и шхыныгъуэ гурыхьхэр» ерыскъыхэкIхэм я фестивалыр къэрал псом щыщ фермер нэхъыфIхэм къыщIагъэкI продукцэхэр утыку къыщрахьэ махуэшхуэщ.

Урысей Федерацэм Мэкъумэш хозяйствэмкIэ и министерствэм къызэригъэпэща фестивалыр сэбэп мэхъу ди къэралым къыщыщIагъэкI ерыскъыхэкIхэр зыхуэдэр нэхъыбэм къащIэнымкIэ, щIэупщIэ яIэнымкIэ, абы елэжь IуэхущIапIэ цIыкIухэм заужьынымкIэ. 
2026 гъэм и мэкъуауэгъуэм фестивалыр япэу щызэхэтащ Смоленск къалэм Лопатинскэм и цIэр зэрихьэу щыIэ жыг хадэм. Махуэшхуэм хэтащ цIыху мин 20-м щIигъу, ерыскъыхэкI къыщIэзыгъэкI IэнатIэхэу щIыналъэ 40-м щыIэхэм я продукцэр утыку кърахьащ икIи тонни 7,15-м щIигъу ящащ.
Фестивалым и гъунапкъэхэм зрегъэубгъу, мыгувэу ерыскъыхэкIхэм я махуэшхуэм и етIуанэ Iыхьэр къызэIуахынущ. ФокIадэм и 5 - 6 махуэхэм «Урысейм и шхыныгъуэ гурыхьхэр» фестивалыр Кавказ Ищхъэрэм щрагъэкIуэкIынущ. Къэралым и фермерхэр щызэхыхьэнущ Къэбэрдей-Балъкъэрым и къалащхьэ Налшык.
Хъыбархэм фыщыкIэлъыплъ хъунущ фестивалым и социальнэ напэкIуэцIхэм: 
Фестивалым и сайтыр - вкусыроссииврегионах.рф
VK https://vk.ru/vkusyrossii 
MAX https://max.ru/id233103144533_biz

  • 9 просмотров
Поделиться: