Хьэцэпэцэр гуэным нэсащ

КъБР-м Мэкъумэш хозяйствэмкIэ и министерствэм къызэ­ритамкIэ, республикэм и мэкъумэшыщIэхэм хьэцэпэцэр къанэ щымыIэу кърахьэлIэжащ. Мы гъэм псори зэхэту гектар мин 71-м ар тращIащ икIи абы и нэхъыбэр - гектар мин 46,5-р - гуэ­дзым, гектар мин 24,5-р - хьэм ирагъэубыдащ.

ЗэкIэ къызэрабжамкIэ, хьэцэпэцэу кърахьэлIэжар псори зэхэту тонн мин 300-м нэблэгъащ икIи нэгъабэ яхузэфIэкIам нэхърэ зымащIэкIэ нэхъыбэщ ар.
Республикэм и мэкъумэш къэкIыгъэ нэхъыщхьэр - нартыхур - Iухыжын щIадзэнущ фокIадэм и пэщIэдзэм.
Апхуэдэуи, мы махуэхэм республикэм жыджэру къыщрахьэлIэж хадэхэкIхэмрэ пхъэщхьэмыщхьэхэмрэ, кIэртIофымрэ мэ­ракIуэ лIэужьыгъуэхэмрэ. Министерствэм зэрыщыжаIамкIэ, иджып­сту зэщIакъуэж хадэхэкI пасэхэр куэдрэ зэрыщымылъы­-нум къыхэкIыу, сату щIыпIэхэмрэ абыхэм щелэжь мэкъумэш IуэхущIапIэхэмрэ ахэр занщIэу хурагъашэ.