Ричард аслъэным хуэдэщ

Сочэ къалэм иджыблагъэ щекIуэкIащ мас-рестлингымкIэ урысейпсо зэхьэзэхуэ. Ар и фэеплъу щытащ Олимп джэгухэм я чемпион Дмитриев Роман икIи абы хэтащ ди къэралым и щIыналъэхэм ящыщу 9-м я спортсмену 100-м щIигъу.

Зэхьэзэхуэм екIуу зыкъыщигъэлъэгъуащ икIи килограмм 120-м щIигъу зи хьэлъагъ спортсменхэм я деж дыщэ медаль къыщихьащ Къэбэрдей-Балъкъэрым и гъэсэн АфэщIыж Ричард. ЩIалэм дэлажьэр Гъубж БетIалщ.
Къыхэдгъэщынщи, мас-рестлингымкIэ дунейпсо чемпионату мы гъэм Къэзан къалэм щекIуэкIыну зэпеуэм зэрызыхуагъэхьэзыр зэIущIэу щытащ иджы екIуэкIар.

Нэхъ лъэщхэр зэхагъэкI

Физкультурникым и махум траухуэри, Нарткъалэ Ерчэн Темболэт и цIэр зезыхьэ физкультурэ-узыншагъэр щрагъэфIакIуэ комплексым кикбоксингымкIэ республикэ зэхьэзэхуэ иджыблагъэ щрагъэкIуэкIащ. Хабзэ хъуауэ илъэс къэс зэпеуэр зэхашэ, Аруан щIыналъэ администрацэр дэIэпыкъуэгъу къахуэхъуу. Зэпеуэм хэтащ командэу 9, спортсмену 100-м щIигъу, я ныбжькIэ илъэс 11 - 14 хъухэу. 

Я ныбжьрэ хьэлъагърэ елъытауэ зыхэта гупхэм щытекIуащ Къумахуэ Тимур, Савченкэ Илья, Шевкетов Алим, Аслъэн Ренат, Урым Сэлмэн, Анаев Ислъам, Джыбыл Адик, Къардэн Ахьмэд, Щынахъуэ Арсен, Шыбзыхъуэ Алан, Ашэбокъуэ Алихъан, Мурсалов Абдулыхь, Елъкъэн Александр, Сейфулов Рустам, Урым Сулеймэн, Къанкъул Алан, Шыдыгын Темболэт, Ширдий Давид, Дэбагъуэ Инал, Апажэ Ислъам, Хурэ СулътIан, Захаров Кирилл, Балъкъэр Имран, Бэрэздж Алим, Курбанов Рэмэзан, Мамыхъу Саид, Такъ Ахьмэд, КIэш Имран, ХъутIатI Беслъэн, Жанджэрий Ислъам, Кошелев Альберт, Вэрокъуэ Залым, Азычэ Ашэмэз, Пэрыт Айдар, Битохъу Назир, Сындыку Iэдэм, ЩIанкIэ Инал, Иуан Ралан сымэ.