Унагъуэхэм зыщIагъакъуэ

11 сентября, 2026 - 13:15

Дызэрыт илъэсым и щIышылэ – бадзэуэгъуэ мазэхэм къриубыдэу псэупIэ-коммунальнэ Iуэхутхьэбзэхэм пэкIуэр ятыфын папщIэ республикэм щыщ унагъуэ 1761-м зыщIагъэкъуащ - субсидиехэр хухахащ. Абыхэм щхьэкIэ ди щIыналъэм и бюджетым сом мелуан 32,2-рэ къыхэкIащ. 

Субсидиер унагъуэхэм ират, республикэм псэупIэ-коммунальнэ Iуэхутхьэбзэхэм пэкIуэу зы мазэм хуэзэу зы унагъуэм нэхъыбэ дыдэу итын хуейуэ къэралым игъэува мардэм унэм щIэс псоми я хэхъуэр зэхэту хуэмыкIуэу щытмэ е псэупIэм и инагъыр (метр зэбгъузэнатIэкIэ къэщтауэ) щIыналъэ мардэм щыхуэкIуэм деж. ЗэрыгурыIуэгъуэщи, апхуэдэ къэрал дэIэпыкъуныгъэм гугъуехь гуэрхэр унагъуэхэм ящхьэщех.
Мыдрейуэ, псэупIэ-коммунальнэ Iуэхутхьэбзэхэм щхьэкIэ щIыхуэ зытелъхэм субсидие иратыркъым. 
Фигу къэдгъэкIыжынщи, Къэбэрдей-Балъкъэрым щыпсэу пенсионерхэм – щхьэ закъуэхэми, зи ныбжь хэкIуэта зэщхьэгъусэхэми, - нэхъыбэ дыдэу я хэхъуэм и процент 12-рщ псэупIэ-коммунальнэ Iуэхутхьэбзэхэм трагъэкIуэдэн хуейр, мыдрейхэм псоми – процент 15.
 
 

 

СЫЖАЖЭ Аскэр.
  • 41 просмотр
Поделиться: