|
|
Жылагъуэ
24 октября, 2023 - 06:26
Урысей Федерацэм и Генеральнэ прокурорым 2023 гъэм жэпуэгъуэм и 10-м къыдигъэкIа унафэмкIэ Къэбэрдей-Балъкъэр Республикэм и прокурорым и къуэдзэу ягъэуващ юстицэм и чэнджэщэгъу нэхъыжь Жуков Денис Геннадий и къуэр.
Жуков Д. Г. 1980 гъэм къалъхуащ, 2002 гъэм Кубань къэрал университетыр къиухащ юристу.
Прокуратурэм лэжьэн щыщIидзащ 2003 гъэм. Ар щытащ Краснодар крайм и Кущевскэ районым и прокурорым и дэIэпыкъуэгъуу, Iузэв-хы ФIыцIэ районхэм я щIыуэпс хъумакIуэ прокурорым и дэIэпыкъуэгъу нэхъыжьу, Славянск, Староминск, Северск районхэм я прокурору.
23 октября, 2023 - 13:17
Иджыблагъэ Бахъсэн къалэм къыщызэIуахащ автовокзалыщIэ. Нэхъапэм и гугъу фхуэтщIауэ щытащ ар яухуэныр къызыхэкIа щхьэусыгъуэм, абы и инагъым, ухуэныгъэхэр щаухыну пIалъэм. УхуакIуэхэм къызыхуэтыншэу, къыхуагъэува пIалъэм фIимышу лэжьыгъэр зэфIагъэкIащ икIи мы махуэхэм ар ятащ.
23 октября, 2023 - 13:15
Чэтэныр (щыгъагъэм деж егъэлеяуэ дахэщ. Губгъуэм щоуфафэ гъэгъа щхъуэхэр, щIыхуфэ мащIэ зыщIэлъадэхэр, тхьэмбылыфэхэр, хужьхэр. Ауэ апхуэдэ дахагъэм ущыIуплъэфынур пщэдджыжьырщ. Гъэгъахэм пщэдджыжькIэ зыкъызэIуах, шэджагъуэм, дыгъэм и гуащIэгъуэм, гъэгъа щабэ цIыкIухэр полъэлъ. Чэтэн гектарым бжьэхэм къыпахыфынущ фо килограмм 15-м нэблагъэ.
23 октября, 2023 - 12:27
«ФIагъ лъагэ зиIэ гъуэгу шынагъуэншэхэр» лъэпкъ пэхуэщIэм (проектым) и фIыгъэкIэ иужьрей илъэсхэм ди щIыналъэм Iуэхугъуэ хъарзынэхэр щызэфIэкIащ. ЗэрытщIэщи, жылагъуэ-экономикэ зыужьыныгъэм дежкIэ мыхьэнэшхуэ иIэщ гъуэгу зэIузэпэщхэм, абыхэм зыкъомкIэ елъытащ цIыхубэм я щыIэныгъэри. Апхуэдэу, лъэпкъ пэхуэщIэм и фIыгъэкIэ, Май щIыналъэм и жылагъуэ зыбжанэ зэпха Шэрэджыпсым телъ лъэмыжым и зэгъэпэщыжыным гъуэгуухуэ IэнатIэхэр иужь ихьащ.
23 октября, 2023 - 11:13
Сабий сурэтым и Урысейпсо зэпеуэм, «Си адэ-анэр полицэм щолажьэ» зыфIащам, и щIыналъэ Iыхьэу Къэбэрдей-Балъкъэрым щекIуэкIам кърикIуахэр КъБР-м щыIэ МВД-м щызэхалъхьэжащ. Комиссэм къыIэрыхьат республикэм и районхэм къикIа лэжьыгъэ 20-м щIигъу.
23 октября, 2023 - 10:44
Марк лышх узыфэхэр зыпкърытхэм еIэзэ дохутырт, и IэщIагъэми фIыуэ хищIыкIырт. Зэгуэрым ар гъуэгу теуващ, зэIущIэшхуэ гуэрым хэтын мурадкIэ. Абы щIалэм къыщыпэплъэрт и лэжьыгъэфIым папщIэ къыхуагъэфэща медицинэ саугъэт лъапIэр. Арати, кхъухьлъатэм ису гъуэгу здытетым, кхъухьлъатэм сэкъат гуэрхэр игъуэтри, ар здэкIуэм нэмыс щIыкIэ щIым къэмытIысу хъуакъым.
22 октября, 2023 - 08:00
Хабзэ хъуауэ, ди къэралым щрагъэкIуэкI унагъуэм и пщIэр къэзыIэт, абы жылагъуэм щиIэ мыхьэнэр къэзыгъэлъагъуэ «Илъэсым и унагъуэ» зэпеуэр. Иджы еянэу къызэрагъэпэща апхуэдэ зэхьэзэхуэм хэтащ Урысей Федерацэм хыхьэ щIыналъэ псоми щыщ унагъуэ куэд. ЩIыпIэхэм щекIуэкIа Iыхьэм нэхъыфIу къыщалъыта унагъуэ 384-р иджыблагъэ ирагъэблэгъащ Москва. Абы къыщызэрагъэпэщащ къэралым и унагъуэ нэхъыфIхэр щагъэфIэж гуфIэгъуэ пшыхь.
22 октября, 2023 - 07:23
Иужьрей зэманым, дызэрыщыгъуазэщи, цIыхум сом бжыгъэ къыIэрыхьэр бохъшэм дилъэхьэжу щыскъым. ДызыхуэкIуар аращи, жьыми, щIэми сом гъэтIылъыпIэу яIэр банк зэхуэмыдэхэм къыдагъэкI картэхэрщ. Зы лъэныкъуэкIэ зи гугъу сщIы «картэхэр» тыншщ уиIэну, сыту жыпIэмэ зэуIу хъууэрэ, сом бжыгъэр абы нэхъ щыхъума мэхъу. Ауэ банкхэм щIыхуэ къыIахарэ ирамытыжмэ, зэбгъэдэкIыжа зэщхьэгъусэхэм языхэзым сабийм папщIэ алиментхэр имытмэ, картэм илъ ахъшэр яубыд.
21 октября, 2023 - 06:36
Мы махуэхэм Къэбэрдей-Балъкъэрым лэжьыгъэ IуэхукIэ щыIащ Урысей Федерацэм щэнхабзэмкIэ и министр Любимовэ Ольгэ. Абы зригъэлъэгъуащ республикэм и щэнхабзэ IуэхущIапIэхэр. Апхуэдэу зыщигъэгъуэзащ Нартан дэт ЩэнхабзэмкIэ унэм, Къэбэрдей, Балъкъэр къэрал драмэ театрхэм, Театрхэм я уардэунэ яухуэм, ГъуазджэхэмкIэ Кавказ Ищхъэрэ къэрал институтым щекIуэкI лэжьыгъэхэм.
Страницы
|
