Санитар транспортхэр къахуокIуэ

Прохладнэ, Тэрч, Аруан, Лэскэн, Шэджэм, Шэрэдж, Эльбрус муниципальнэ центрхэм я ­амбулаторэхэм, Налшык дэт къалэ поликлиникэхэм, Балъкъэр Ипщэ къуажэм дэт сымаджэщым КъБР-м и Iэтащхьэ КIуэкIуэ Казбек иджыблагъэ яритащ санитар лэжьыгъэр зэры­рагъэкIуэкIыну автотранспортыщIэу 25-рэ. Ахэр къагъэщхьэпэнущ дэIэпыкъуэгъу псынщIэхэмрэ икIэщIыпIэкIэ здэкIуэн хуей Iуэхухэмрэ пап­щIэ.

УФ-м и Президентым и унафэкIэ цIыхухэм япэу зызыхуагъазэ медицинэмкIэ IуэхущIапIэ­хэр егъэфIэкIуэным хуэгъэпса программэм ипкъ иткIэ, 2021 гъэм щыщIэдзауэ амбулато­рэхэм, поликлиникэхэмрэ абыхэм я къудамэ­хэмрэ къащэхуащ санитар автомашинэ 60-м нэс. 2021 гъэм ирихьэлIэу иджыри санитар машинэ 15 къащэхуну загъэхьэзыр.
Къинэмы­щIауэ, зыхуей хуэзауэ сымаджэхэм якIэлъып­лъыным хуэгъэпса программэм ипкъ иткIэ бгъэIэпхъуэ хъу флюорографрэ маммо­графрэ къащэхуащ. Куэд щIакъым республикэм а Iэмэ­псымэхэр щIэту бгъэIэпхъуэ хъу кабинети 9 зэ­рызэригъэпщрэ. «Узыншагъэр егъэ­фIэ­кIуэн» лъэпкъ проектымкIэ 2021 гъэ лъандэрэ бгъэIэпхъуэ хъууэ апхуэдэ сымаджэ кIэ­лъып­лъыпIэу 10-м нэс къащэхуакIэщ.