IэнатIэщIэ къызэрагъэпэщ

Республикэм и Наркологие, Психоневрологие диспансерхэр зэхагъэхьэжри, Психиатриемрэ наркологиемкIэ клиникэ центр къызэрагъэпэщащ. IэнатIэм зэрызрагъэужьам цIыхухэр а унэтIыныгъэхэмкIэ зыхуэныкъуэ Iуэхутхьэбзэхэр яхуэщIэнымкIэ щыIэ щытыкIэр иригъэфIэкIуащ. 

ЦентрыщIэм и зэфIэкIхэм къыхэхъуащ: сымаджэхэм фIагъ лъагэ зиIэ медицинэ дэIэпыкъуныгъэхэр ягъуэтынымкIэ, IэщIагъэлIхэми я Iэзагъэм хагъэхъуэ­нымкIэ иджы Iэмал нэхъыбэ яIэщ.
Психиатриемрэ наркологиемкIэ клиникэ центрым и хэщIапIэр диспансерхэр щылэжьа щIыпIэм къонэж, унэтIыныгъитIымкIи амбулаторэ, стационар дэIэпыкъу­ныгъэхэр абдеж щагъуэтынущ, жылагъуэр зыхуэныкъуэ медицинэ Iуэхутхьэбзэхэр нэхъ тыншу зэрыщыхуащIэнум теухуауэ зэтраухуэнущ. 
Зэгуагъэхьэжа IэнатIэм и медицинэ лэжьыгъэм и фIагъымрэ шынагъуэншагъэмрэ жэуаплыныгъэ пылъу кIэлъыплъыным, абы и зэфIэкI псори нэсу къэгъэ­сэ­бэпыным, апхуэдэуи унэтIыныгъитIымкIэ IэщIагъэлIхэр зэгъусэу зэрызэдэлэжьэнум республикэм и цIыхухэм хуащIэ психиатрие, нарколог дэIэпыкъуныгъэхэр лъэныкъуэ куэдкIэ иригъэфIэкIуэнущ.