Иджырей мардэм къитIасэу

«ГъуэгуфI шынагъуэншэхэр» лъэпкъ пэхуэщIэм хыхьэу Дзэлыкъуэ щIыналъэм и Светловодскэ жылэм и уэрам нэхъыщхьэхэм ящыщу Лениным и цIэр зезыхьэр, километр 1,1-рэ зи кIыхьагъыр, мы махуэхэм зэрагъэпэщыж.

Къуажэм щынэхъ ин уэраму зэрыщытым къыдэкIуэу, ар хохьэ 2022 гъэм къагъэщIэрэщIэжа, Зольскэ, Дзэлыкъуэкъуажэ, Белокаменскэ жылэхэр зэпызыщIэ, километр 15 зи кIыхьагъ автомобиль гъуэгум.

Иджыпсту ирагъэкIуэкI лэжьыгъэм хиубыдэу гъуэгур метрих хуэдизкIэ нэхъ бгъуэ щащIыну щIыпIэхэр абы хуагъэхьэзыр, щыIэ мардэм кърагъэтIэсэн папщIэ. ИужькIэ асфальтыщIэ тралъхьэнущ, гъуэгу дамыгъэхэр ягъэувынущ, зэхыхьэпIэ-зэхэкIыпIэхэр къыхагъэщхьэхукIынущ.

Гъуэгум ехьэлIа лэжьыгъэхэр къанэ щымыIэу дызэрыт илъэсым и накъыгъэм ирихьэлIэу зэфIагъэкIынущ.