Шэджэм щIыналъэм щыпсэухэр

Шэджэм щIыналъэм хэхыпIэ 20 къыщызэрагъэпэщащ. Абыхэм цIыху мин 41-м Iэ щаIэтыну Iэмал яIэщ.

 ЦIыхубэ кIэлъыплъакIуэ 57-м я нэIэ тетщ Iуэхур зэрекIуэкIым. Къэбгъэлъагъуэмэ, Шэджэм къалэм ЩэнхабзэмкIэ и унэм къыщызэрагъэпэщащ хэхыпIэ №307-р. Шэджэм щIыналъэм ФизкультурэмкIэ, спортымрэ щIалэгъуалэ политикэмкIэ и Управленэм Iуэхум ирихьэлIэу спорт зэхьэзэхуэхэр хэхыпIэхэм пэмыжыжьэу зэхиублащ. ХэхакIуэхэр IэIэтым хэтым и мызакъуэу, спорт унэтIыныгъэхэмкIэ зэпеуэхэми я зэфIэкI щеплъыж хъунущ. КъищынэмыщIауэ, щIыналъэм и школхэм футболымрэ волейболымкIэ зэхьэзэхуэхэр щокIуэкI. 

 ХэхыпIэ №327-ми цIыхушхуэ щызэхуэсащ, Шэджэм ЕтIуанэ къуажэм и курыт еджапIэ №3-м пэмыжыжьэу къызэрагъэпэщам. ХэхакIуэхэм папщIэ абы нэгузыужь программэ щагъэхьэзыращ. ЩIыпIэм и къэфакIуэ ныбжьыщIэхэм зэхыхьэ щхьэпэр нэхъри гукъинэж ящI.