Ныкъусаныгъэншэу йокIуэкI

8 сентября, 2024 - 16:21

КъБР-м и Парламентым и депутатхэм я хэхыныгъэхэр Налшык къалэм и курыт еджапIэ №10-м къыщызэрагъэпэща хэхыпIэ №134-м ныкъусаныгъэншэу щокIуэкI. 

Iуэхур ирагъэжьащ УФ-м и гимныр ягъэзащIэу. ЦIыхубэ кIэлъыплъакIуэхэм зэрыжаIэмкIэ, хэхыныгъэхэм цIыхушхуэ йокIуалIэ. ЩIыналъэм исхэр Iуэхум жыджэру зэрыхэтыр щыхьэт тохъуэ я пщэдейр я IэкIэ зэраухуэм. Нэхъыщхьэращи, ныкъусаныгъэншэу псори къызэрагъэпэщащ. 

ХэхыпIэ комиссэм и унафэщI Къантемыр Маринэ зэрыжиIэмкIэ, къалъыс жэуаплыныгъэр, политикэ Iуэхум и мыхьэнэр зыхащIэу, къапэплъэ зэхъуэкIыныгъэхэм теухуа гугъэфIхэр яIэу цIыхухэр жыджэру IэIэтым хэтщ. НэхъыжьыфIхэри зэхыхьэм къызэрекIуэлIамкIэ фIыщIэ яхуэфащэщ, хэхыныгъэхэр гугъэфIхэм я къэхъугъэу зэрыщытыр зыщамыгъэгъупщэу.

ТЕКIУЖЬ Заретэ.
  • 40 просмотров
Поделиться: