ХэхакIуэхэм концерткIэ яIущIащ

«Налшык» санаторэм къыщызэрагъэпэща хэхыпIэ №103-м хэхакIуэхэм концерткIэ щыIущIащ икIи ахэр лъэпкъ шхыныгъуэхэмкIэ ягъэхьэщIащ.

КъБР-м и Избиркомым хъыбар къызэрыдигъэщIамкIэ, хэхыпIэ №103-м цIыхушхуэ екIуэлIащ. Гу зэрылъатащи, нэхъыбэу IэIэтым хэтар зи ныбжь хэкIуэтахэрщ. Апхуэдэу Iуэхум жыджэру хэтащ Палестинэм щекIуэкI зауэм зи щхьэ къыхэзыха, мы зэманым зыгъэпсэхупlэм щыlэ ди лъэпкъэгъухэри. КъекIуэлIахэр ирагъэплъащ лъэпкъ шхыныгъуэхэм я IэфIагъым. ХэхыпIэм ныкъусаныгъэншэу Iуэхур щрагъэгъэкIуэкIащ. КъызэгъэпэщакIуэхэм фIыщIэ хуащIащ цIыхубэ кIэлъыплъакIуэхэм, хэхакIуэхэм я нэгу зезыгъэужьа артистхэм, «Родник» къэзакъ хорым. 

УФ-м и Гимным щIэту пщэдджыжьым сыхьэти 8-м къызэIуаха хэхыпIэр пщыхьэщхьэм сыхьэт 20-м зэхуащIыжауэ кърикIуахэр щызэхалъхьэж.