ФIыщIэ тхылъхэр яритащ

6 января, 2025 - 10:13

Урысей гвардием и управленэу КъБР-м щыIэм и унафэщI, полицэм и генерал-майор Васильев Сергей журналистхэм пресс-конференц ядригъэкIуэкIащ, я упщIэхэм жэуап иритащ, 2024 гъэм я лэжьыгъэм кърикIуахэм щигъэгъуэзащ.

Къызэрыхигъэщащи, жылагъуэ хабзэмрэ шынагъуэншагъэмрэ къызэгъэпэщынымкIэ къапэщыт къалэнхэр Урысей гвардием и управленэм и IэнатIэхэм, КъБР-м щыIэ МВД-м я лэжьакIуэхэм ящIыгъуу нэсауэ ягъэзэщIащ. ЩIыналъэ управленэм и къудамэхэр хэтащ республикэм цIыху куэд щызэхуэс Iуэху 50-м щIигъум хабзэр къыщызэгъэпэщыным икIи ныкъусаныгъэ гуэри къагъэхъуакъым.  
 УнафэщIым зэрыжиIащи, Iэщэ зэрахьэну хуит зыщI лицензэхэр тыным пыщIа лэжьыгъэм ипкъ иткIэ къапщытащ ягъауэ Iэщэ зиIэ цIыху мини 6-м щIигъу. КъинэмыщIауэ, Iэщэ зезыхьэну хуит IуэхущIапIэхэм ехьэлIауэ къэпщытэныгъэ 70-м щIигъу ирагъэкIуэкIащ. Ар тепсэлъыхьащ я IэнатIэм адэкIи къыпэщыт къалэнхэм. 
ЗэIущIэм и кIэухыу Васильев Сергей купщIафIэу зэрызэдэлажьэм папщIэ журналистхэм фIыщIэ тхылъхэр яритащ. 
 

БАХЪСЭН Ланэ.
  • 37 просмотров
Поделиться:

Читать также:

18.01.2026 - 11:31 → Кърымыр нэхъапэм
17.01.2026 - 11:00 → IэмалыщIэхэм нэхъ трагъащIэ
17.01.2026 - 09:06 → Нэхъыбэж къызэщIаубыдэ
16.01.2026 - 12:55 → Сабийхэр ягъэгуфIэ
13.01.2026 - 17:30 → Лъэс лъагъуэхэр ирагъэфIакIуэ