ХьэщIагъэкIэ псоми ятекIуэ Налшык

Урысей Федерацэм Къэрал кIуэцI IуэхухэмкIэ и министерствэм къызэритамкIэ, 2024 гъэм къриубыдэу щIэпхъаджагъэу мин 1911,3-рэ къэралым щалэжьащ. Ар процент 1,8-кIэ нэхъ мащIэщ ипэ ита илъэсым щыIа бжыгъэхэм нэхърэ.

Къапщытэж пIалъэм къриубыдэу щIэпхъаджагъэхэм щыкIэрыхуащ къэралым и щIыналъэхэм ящыщу 57-м, щIэпхъаджагъэ хьэлъэхэр – 40-м.

ЩIэпхъаджагъэхэр нэхъ мащIэ щыхъуахэм яхэтщ Къэбэрдей-Балъкъэрыр икIи еплIанэ увыпIэр къэралым щиIыгъщ. 2024 гъэм ди щIыналъэм цIыху мини 10 къэс хуэзэу хабзэм ебэкъуар 76-рщ. Ар процент 0,3-кIэ нэхъ мащIэщ 2023 гъэм щыIа бжыгъэхэм елъытауэ. ЩIэпхъаджагъэу ялэжьар щыкIэрыхуахэм апхуэдэуи ящыщщ Кавказ Ищхъэрэм хыхьэ Шэшэн, Ингуш, Дагъыстэн республикэхэри.

Мыдрейуэ, Iуэхум къыдэкIуэу, УФ-м УхуэныгъэмкIэ и министерствэм иригъэкIуэкIа къэпщытэныгъэхэм къызэрагъэлъэгъуамкIэ, къэралым и къалэ тыншхэм, ущыпсэуну нэхъ шынагъуэншэхэм, хьэщIагъэкIэ нэхъыфIхэм Налшык къалэр яхохьэ.

УФ-м и МВД-м апхуэдэуи сэтей къищIащ щIэпхъаджагъэхэмкIэ Iуэхухэр щымыщIагъуэ щIыналъэхэр, ахэр – Ненецкэ автономнэ округыр, Карелиемрэ Алтай республикэмрэщ. Мыбыхэм 2024 гъэм цIыху мини 10 къэс хуэзэу щIэпхъаджагъэу 200-м щIигъу щалэжьащ.