Къуажэхэм щылажьэ егъэджакIуэхэр дагъэцIыху![]() Урысей Федерацэм ЕгъэджэныгъэмкIэ и министерствэм щIэныгъэхэмкIэ и центрым къыхилъхьащ «Къуажэм щылажьэ егъэджакIуэ» пэхуэщIэ гъэщIэгъуэныр. Абы и къалэныр къытщIэхъуэ щIэблэм щIэныгъэ етыным хьэлэлу хуэлажьэхэр, зи къаруи зэмани емыблэжхэр бэм къегъэцIыхунырщ, апхуэдэхэм я IуэхущIафэхэр щапхъэ щIынырщ. Ар зэрызрагъэхъулIэн Iэмалуи къыхахар апхуэдэ егъэджакIуэхэм интервью къеIыхынырщ. ЕгъэджакIуэхэр трагъэпсэлъыхьынущ я лэжьыгъэм, зыIууэ лъэпощхьэпохэмрэ зыгъэгуфIэ Iуэхугъуэхэмрэ, «Къуажэ егъэджакIуэ» къэрал программэ илъэс куэд хъуауэ лажьэм фIагъыу иIэм, езы егъэджакIуэхэм къуажэдэсхэм, жылэхэм я гъащIэр фIы и лъэныкъуэкIэ зэрахъуэж щIыкIэхэм, нэгъуэщIхэми. ПэхуэщIэм къызэщIиубыдэнущ къэралым и щIыналъэ псоми я егъэджакIуэхэм ятеухуа хъыбархэр. Иджыпсту интернет-сайтым къралъхьакIэщ Алтай крайм, Орел, Оренбург, Ленинград, Воронеж областхэм, Карелиемрэ Башкортостанымрэ я егъэджакIуэхэм къаIуэтэжа хъыбархэр. «Къуажэм щылажьэ егъэджакIуэм» и сайтым (uchitelvsele.mpcenter.ru.) дэтхэнэ зыри фрегъэблагъэ. Абы къыщыфхуэгъуэтынущ пэхуэщIэм хэт егъэджакIуэхэм ятеухуа хъыбархэмрэ абыхэм къаIуэтэжахэмрэ, щIэ куэдми щыгъуазэ фызэрыхъунум шэч хэлъкъым.
Поделиться:
Читать также:
18.02.2025 - 15:00 →
Шэриймрэ Жыласэмрэ я медалхэр
18.02.2025 - 15:00 →
Процент 21-м щIигъукIэ нэхъыбэ
16.02.2025 - 12:06 →
Адэ шыпхъум сригъэхъуапсэри…
15.02.2025 - 10:26 →
Жылагъуэ советым и къалэныщIэхэр
14.02.2025 - 16:32 →
Сом меларди 9-м щIигъу
|