Сом меларди 9-м щIигъу

ПэхуэщIэхэр
 
2025 гъэм Къэбэрдей-Балъкъэрым лъэпкъ пэхуэщIэ 12-м хэтынущ. Абы хохьэ: «ГъащIэ кIыхь, купщIафIэ», «Ерыскъы шынагъуэншагъэр къызэгъэпэщыным и Iэмалхэр», «ГъащIэм хуэщIа инфраструктурэ», «ЛэжьакIуэхэр», «Туризмэмрэ хьэщIагъэм пыщIа Iуэхугъуэхэмрэ», «Къэралым и экономикэ IэнатIэ псори бжыгъэр зи лъабжьэ Iуэху зехьэкIэм хуэгъэкIуэн, абыхэм я хъыбархэр хъумэн», «Экологие щытыкIэфI», «Зэхьэзэхуэр зи лъабжьэ экономикэ лъэщ», «ЩIалэгъуалэмрэ сабиймрэ», «Унагъуэ», «Дунейпсо кооперацэмрэ экспортымрэ», «Кхъухьлъатэзехуэ зэрымыс авиацэ системэхэр».
Лъэпкъ пэхуэщIэхэм япкъ иткIэ ди щIыналъэм щащIынущ, къыщагъэщIэрэщIэжынущ икIи зыхуей щыхуагъэзэнущ егъэджэныгъэм, узыншагъэр хъумэным, спортым, гъуэгу хозяйствэм, мэкъумэш-промышленнэ комплексым, туризм IэнатIэм пыщIа ухуэныгъэхэр, социальнэ, инженер, псэупIэ-коммунальнэ инфраструктурэхэр, нэгъуэщIхэри. 
ЗэкIэ къызэрабжамкIэ, а пэхуэщIэхэр гъэзэщIэным хуэунэтIауэ сом меларди 9-м щIигъу къаутIыпщынущ.