ЦIыхухэм къаIэрыхьэм хохъуэ

2024 гъэм къриубыдэу Къэбэрдей-Балъкъэрым и цIыхухэм ахъшэу къаIэрыхьэм проценти 8,7-кIэ хэхъуащ икIи абыкIэ Кавказ Ищхъэрэм и щIыналъэхэм я деж щыпэрытщ, къитащ Росстатым. КИФЩI-м ар зэрыщыхъур проценти 5,3-рэщ. Абы нэмыщI, къэралым ику иту щыщыIэ бжыгъэхэм нэхъри нэхъыбэщ – проценти 8,4-рэ. 
Къэбэрдей-Балъкъэрым щыпсэухэм ипэжыпIэкIэ яIэ хэхъуэр иужьрей илъэсиплIым нэхъыбэ хъуурэ кIуащ. Псалъэм папщIэ, 2021 гъэм ар проценти 9,8-рэ хъуащ, 2022 гъэм – проценти 23,6-рэ, 2023 гъэм – проценти 5,3-рэ, нэгъабэ – проценти 8,7-рэ. ЖыпIэнурамэ, цIыхухэм я хэхъуэр щIыдэкIуейр щIэхъур илъэс къэс абыхэм я улахуэхэм зэрыхагъэхъуэрщ, лажьэхэм я бжыгъэр нэхъыбэ зэрыхъурщ, социальнэ пособиехэр цIыху щхьэхуэхэм къазэрыIэрыхьэрщ.
Апхуэдэуи, Росстатым къызэритамкIэ, цIыху къэс ику иту хэхъуэу къыIэрыхьэм и куэдагъымкIэ Къэбэрдей-Балъкъэрыр Кавказ Ищхъэрэм щыпэрытщ икIи 2024 гъэм сом мин 45,4-рэ хъуащ ар. 2021 гъэм щегъэжьауэ а бжыгъэхэм процент 80-кIэ хэхъуащ. Абы щыгъуэ ику иту цIыхухэм къаIэрыхьар сом мин 24,9-рэщ.