Жьгъейхэр фхузэтрихьамэ

2025 гъэм мэлыжьыхьым и 12 - 19-хэм Къэбэрдей-­Балъкъэрым щекIуэкIынущ «Ахъшэ жьгъейм и тхьэмахуэ» Iуэху щхьэпэр.

Республикэм щып­сэу­хэм а пIалъэм къриубыдэу ­Iэмал яIэнущ унэм щаIэ ­жьгъейр тхылъымпIэ ахъ­шэхэмкIэ яхъуэжыну. Iуэху­гъуэр нэхъыбэу зыхуэунэтIар тыкуэнхэм ахъшэр щызэ­Iэ­пыхыгъуафIэ щIынымрэ ­къэ­ралым къыщыщIагъэкI гъущI ахъшэм трагъэкIуа­дэр гъэмэщIэнымрэщ. 
«Ахъшэ жьгъейм и тхьэмахуэ» Iуэхум хэтынущ сату щIыпIэхэри банкхэри. Уеб­лэмэ банкхэм ахъшэр къы­щыпхуахъуэж къудей мы­хъуу, ар иджыри цIыхум и цIэкIэ къызэIуаха счет щы­Iэмэ, абы хухалъхьэнущ е къыщыхузэIуахынущ. Абы щхьэкIэ узыхуеинур паспортырщ. ЗэрыжаIэу, унэм щы­зэтрихьа ахъшэ жьгъейм ар хъумапIэфI хуэхъунущ. 
Мыдрейуэ, ахъшэ жьгъейр банкхэм е тыкуэнхэм яхъуэ­жыну яхьын ипэ къихуэу, ахэр зэхэдзауэ щытын хуейщ, нэхъ бжыгъуафIэ хъун пап­щIэ, цIыхухэри зэтримыхьэн хуэдэу. Я куэдагъкIэ дапхуэдиз хъуми зэран щыIэкъым, ауэ ахэр къыщыдагъэкIауэ щытын хуейр 1997 гъэм иужь­кIэщ. 
Iуэхум теухуауэ упщIэ зи­Iэхэр мы сайтымкIэ щы­щIэ­упщIэ хъунущ - монетная­неделя.рф.