Бэдрэжаныр яхуобагъуэ

Къэбэрдей-Балъкъэрым и мэкъумэш, фермер, уней IуэхущIапIэхэмрэ унагъуэхэмрэ зэхэту бэдрэжану губгъуэм къыщагъэкIам и куэдагъыр нэгъабэ тонн мин 231,8-рэ хъуащ, къитащ Росстатым. Абы щыщу тонн мини 148,1-р мэкъумэш IуэхущIапIэхэм я закъуэ къалъос е псори зэхэту республикэм къыщрахьэлIэжам и процент 70 мэхъу ар. 

Апхуэдэу щыхъукIи, къапщытэж пIалъэм къриубыдэу мэкъумэш IуэхущIапIэхэм бэдрэжану къагъэкIам и куэдагъым проценти 6-м нэблагъэкIэ хагъэхъуащ. 
Къэбгъэлъагъуэмэ, а хадэхэкIыр губгъуэм нэхъыбэу щызыщIэр консерв заводхэрщ. Ахэр бэдрэжаным езыхэр йолэжьыжри, банкIхэм иралъхьэ, фIэIугъэхэр ягъэхьэзыр.
КъищынэмыщIауэ, республикэм и мэкъумэш IуэхущIапIэ псоми, унагъуэхэри абыхэм яхэту, хадэхэкIыу тонн мин 422,2-рэ губгъуэхэм нэгъабэ кърахащ, абы и зэхуэдитIым щIигъур бэдрэжану.