Зэкъуэтыныгъэр нэхъри дгъэбыдэкIэрэ...

Гъатхэмрэ Лэжьыгъэмрэ я махуэшхуэм и щIыхькIэ КъБР-м и Iэтащхьэ КIуэкIуэ Казбек цIыхухэм зэрехъуэхъур

Къэбэрдей-Балъкъэрым и цIыхухэу пщIэ зы­хуэсщI­хэ!

Си гум къыбгъэдэкIыу сыныво­хъуэхъу Гъатхэмрэ Лэжьыгъэмрэ я махуэшхуэмкIэ!
А махуэшхуэр и дамыгъэщ бэм лэ­жьакIуэ цIыхум хэхауэ хуащI пщIэшхуэм, ди зэкъуэтыныгъэм, къэралымрэ жылагъуэмрэ едгъэ­фIэкIуэну дызэрыхущIэ­къум. Къэ­бэрдей-Балъкъэрыр ирогуш­хуэ лэжьакIуэшхуэ зэчиифIэ куэдым, зи Iэ­щIагъэм къызэрымыкIуэу хуэ­Iэзэхэм. Абыхэм ягъэ­тIылъа, зы­тета хабзэфIхэрщ нобэрей ди ехъулIэ­ныгъэхэм я лъабжьэ нэхъыщхьэр. Мы махуэшхуэм си гум къыбгъэдэкIыу фIыщIэ яхуэс­щIыну сы­хуейщ ди щIыналъэм зиу­жьыным хэлъхьэныгъэшхуэ хуэ­зыщIхэм, республи­кэмрэ ди Хэ­кумрэ хьэлэлу къулыкъу яхуэ­зыщIэхэм. Щхьэхуэу захузо­гъазэ лэжьыгъэм и ветеранхэу зи IэзагъэмкIэ, ­гъащIэм и пIалъэкIэ щIалэгъуалэм ядэгуашэхэм.
Шэч къытесхьэркъым, ди зэкъуэ­ты­ныгъэр нэхъри дгъэбыдэкIэрэ, дэ дызэ­гъусэу дыпэлъэщынущ сыт хуэдэ гугъу­ехьми икIи Къэ­бэрдей-Балъкъэрымрэ зэрыщыту Уры­сеймрэ ефIэкIуэным хуэгъэпса ­къалэнхэр тхузэфIэгъэкIынущ. 
Сынывохъуэхъу узыншагъэ быдэ, мамырыгъэ, насып, зэIузэпэщыгъэ фиIэну.