ЛэжьакIуэбэм защIэгъэкъуэным хуэунэтIащ

КIуэкIуэ Казбек лэжьыгъэ IуэхукIэ хуэзащ Къэбэрдей-Балъкъэр Республикэм и профсоюзхэм я федерацэм и унафэщI Амщокъуэ ФатIимэт.

ЗэIущIахэр тепсэлъыхьащ профсоюз зэгухьэныгъэм ехьэлIа къалэнхэм, апхуэдэуи республикэм и бюджет IэнатIэм и лэжьа­кIуэхэм защIэгъэкъуэным хуэунэтIауэ адэкIи зэфIагъэкIынухэм, IэнатIэ пэрытхэм со­циальнэ и лъэны­къуэкIэ къащхьэщыжыным, мыхьэ­нэ­шхуэ зиIэ нэгъуэщI Iуэхухэми.
Мы гъэм профсоюзхэм юбилей махуэ ­зыбжанэ ягъэлъэпIэнущ - Урысейм проф­союз зэщIэхъееныгъэхэр къызэ­рыщыу­нэхурэ илъэси 120-рэ, Къэбэрдей-Балъкъэрым и профсоюзхэр илъэси 105-рэ, Урысейм и ­профсоюз щхьэ­хуитхэм я федерацэр къы­зэры­зэра­гъэпэщрэ илъэс 35-рэ зэрыри­къу­хэр. ЛэжьакIуэбэм я махуэм теу­хуа гуфIэ­гъуэ зэхыхьэхэр щекIуэкIынущ респуб­ли­кэм.
КIуэкIуэ Казбек Амщокъуэ ФатIимэти ­КъБР-м и профсоюз зэгухьэныгъэхэми махуэшхуэмкIэ ехъуэхъуащ икIи республикэмрэ къэралымрэ я цIыхухэм яфI къызыхэкI лэжьыгъэм ехъулIэныгъэхэр щаIэну зэригуа­пэр къыхигъэщащ.