ЛIыхъужьхэм я щIыхькIэ

Дызэкъуэту

Дзэ Iуэху хэхам хэкIуэдахэм я фэеплъу, иджырей пятиборьемкIэ республикэ зэхьэзэхуэ Налшык къалэм щекIуэкIащ иджыблагъэ, къитащ КъБР-м СпортымкIэ и министерствэм. Ар къызэрагъэпэщащ «Дзэ зэкъуэшыныгъэм» и Къэбэрдей-Балъкъэр къудамэмрэ Иджырей пятиборьемкIэ и центрымрэ.
Спортсмен ныбжьыщIэу I00-м щIигъу, я ныбжькIэ илъэси 7 - I6 хъухэу, зэпеуащ псы есынымрэ къызэдэжэнымкIэ. Къызэдэжахэр зэхьэзэхуащ метр 500, 2000 зи кIыхьагъ гъуэгуанэхэр нэхъ псынщIэу зэпычынымкIэ, псы есахэр – метр 50, I00, 200-кIэ. Зэпеуэм къыщыхэжаныкIахэм медалхэр, щIыхь тхылъхэр, кубокхэр иратащ. 
Фигу къэдгъэкIыжынщи, иджырей пятиборьемкIэ центрыр щIымахуэ блэкIам къызэIуахащ «Демографие» лъэпкъ пэхуэщIэм ипкъ иткIэ. Сабий 600-м щIигъу абы нобэ къокIуалIэ. Тренерхэм ахэр хуагъасэ фехтованием, псы есыным, нэщэнэ еуэным, къызэдэжэным, шым тесыным я щэхухэм.